Read Ateso Ageun 16 Bible Online

Ageun 16 - Ateso bible

Ageun 16

¹ Sarai, aberu naka Aburam mam aurikinit ŋes idwe; kejai ŋes abulesit, Amisiriat, ekekiror Kagar.

² Kotema Sarai Aburam atiar, “Koany, abu EJAKAIT kesimik eoŋ aur, keŋaiŋait, koloma ijo neejai akabulesit; elemuni kadum idwe kama ejai.” Kiira Aburam eporoto loka Sarai.

³Kedaunit Aburam ikar itomon iboie kakwap naka Kanaan, abu Sarai aberu naka Aburam koyaŋa Kagar, Amisiriat, akebulesit, koinak ŋes Aburam okilenike araun akeberu.

⁴ Koloma ŋesi neejai Kagar, kopotuu; keanyu ŋin ebe apotuu, komen do tataake kakonyeke.

⁵ Kotema Sarai Aburam atiar, “Akamenio kojai neijai ijo; abu kainak akabulesit atorobukon, ido nakeanyunia ŋesi ebe apotuu, kamen eoŋ kakonyeke. Kotub EJAKAIT akiro eoŋ ka jo.”

⁶Konye Aburam kotema Sarai atiar, “Koany, ejai akonibulesit akanikon; kiswamak ŋes nuedolito kakonyekon.” Kisiejanakini Sarai ŋes kagogoŋ, kosi kakonyeneke.

⁷ Emalaika loka EJAKAIT kodumak ŋes okicoi loka akipi kamodiŋ, ekicoi loejai orot ilosi Sur.

⁸Kotema atiar, “Kagar, abulesit naka Sarai, kibuni kai? Ido ilosi ai?” Kotema atiar, “Asii eoŋ kakonyen nuka tataaka Sarai.”

⁹ Kotema emalaika loka EJAKAIT ŋes atiar, “Koboŋo neejai tataakon, kononokikinite ŋes.”

¹⁰ Kotema emalaika loka EJAKAIT ŋes atiar, “Esupui noi akoniwur, komam imarunos kanuka aipues.”

¹¹ Kotema emalaika loka EJAKAIT ŋes atiar, “Koany, ipotuu ijo, idouni rwaru ikoku yenitelepat, imaikini ekekiror Isimael, [6] naarai abu EJAKAIT kopup akoniiticanio.

¹² Eraun ŋesi bala etuko kotuŋa, esurokini akekan ŋinituŋanan, ido akan naka ŋinituŋanan esurokini ŋes; iboienenei ŋesi kaneejaas ikekinacan kere.”

¹³ Komaik ekiror loka EJAKAIT lokineras kaŋes ebe, “Irai ijo Edeke loitei”: ebe da, “Aseseni kereka eoŋ ŋol loketei kane da?”

¹⁴Ŋes kemaikinere ekicoi Beer-lakai-roi; [7] koany, ejai kidiŋ ka Kades ka Bared.

¹⁵ Kourik Kagar Aburam ikoku yenitelepat; komaik Aburam ikekoku yenaurier Kagar ekekiror Isimael.

¹⁶Kodaunite Aburam ikar akaisakany kauni ka lukanykape naaurikinia Kagar Aburam Isimael.