Read Ateso 1 Aisiitonokin 11 Bible Online

1 Aisiitonokin 11 - Ateso bible

1 Aisiitonokin 11

¹ Kosodi Isirael kere atukonokin mama ejai Daudi Keburon, kotemasi atiar, “Koany, kirai isio akoitikon ka akiriŋikon.

² Kapakio nua tuboros nukeraar Saul ekabaka, ibu ijo kitoloma kitolom da Isirael: abu EJAKAIT Ekonideke kotema jo atiar, ‘Itanyamenenei ijo ikatuŋa Isirael, iraun ijo ekapolon loka ikatuŋa Isirael.’ ”

³ Kwaŋin koporu imakio kere luka Isirael mama ejai ekabaka Keburon; kitutuk Daudi kakes koKeburon kakonyen nuka EJAKAIT: kinyonyoikis Daudi akinyet araun ekabaka loka Isirael, kwape ajaar akirot naka EJAKAIT kama ka Samuel.

⁴ Kolot Daudi ka Isirael kere Yerusalem (ŋol ŋes Yebus); ajaas kanen Iyebusin lukiboiete kakwap.

⁵Kotemasi lukiboiete koYebus Daudi atiar, “Mam ilomuni ne.” Konye abu Daudi kirum ere loegogoŋ loka Sion; ŋol ŋes ere loka Daudi.

⁶Kotema Daudi atiar, “Loegeuni aidany Iyebusin, eraun ŋol ekapolon ka ekayaiton.” Kogeuni do Yoab okoku loka Seruia alomar, kitaraunai ekapolon.

⁷ Kiboikin Daudi ere loegogoŋ; kanuka ŋun aponi komaikinai ere loka Daudi.

⁸Koduk ere airimor, anyoun koMilo ka airimor: kiteteu Yoab aiboisio ace nukore.

⁹Kopoloor Daudi noi noi; naarai ajaenena EJAKAIT loka ajoresio kaŋes.

¹⁰ Lu kes ikapolok luka ituŋa lukirigin lukejaas kaDaudi, luapotu kitodiara bonik lukagogoŋ mamake kajakanutuke, nepepe ka Isirael kere, aitaraun ŋes ekabaka, kwape ajaar akirot naka EJAKAIT mama ejai Isirael.

¹¹Lo ŋes etiai loka ituŋa lukirigin lukejaas ka Daudi: Yasobeam, okoku loka Ekakumonit, ekapolon loka akaisauni; kodaku ŋol akekwara asurokin akwat auni koar kes katipet.

¹²Kotupite ŋes Eleasar okoku loka Dodo, Ekokait, lokerai ediopet kotuŋa iuni lukirigin.

¹³ Ajaas ŋes ka Daudi koPas-damin, etukokina Ipilisitian ŋina ejie komanikor loeleleba esairi; kokerata ituŋa kakonyen nuka Ipilisitian.

¹⁴ Kobwaata kesi kokidiŋ omanikor, kojiut ŋes, koarata Ipilisitian; kitajar EJAKAIT kes kaipikor naepol.

¹⁵ Kikokororos iuni kotoma akaisauni lukapolok atiiba mama ejai Daudi, kabua naka Adulam; kidukurite ajore naka Ipilisitian aditot naka Repaim.

¹⁶Kejai Daudi toma abwas, kejai abwas naka iserikalei luka Ipilisitian Betlekem.

¹⁷Kimiela Daudi, kotema atiar, “Arai kainak idiotuŋanan eoŋ akipi aimat nuka atan naka Bet-lekem naidunyas kerute!”

¹⁸Kocila luuni ajore naka Ipilisitian, kowokut akipi katan naka Bet-lekem, naidunyas kerute, koyaŋas, koinutu Daudi: konye koŋer Daudi aimat, konye kiwela mama ejai EJAKAIT.

¹⁹Kotema atiar, “Madi akuj, eoŋ aswam ŋin: amasi kereka aokot nuka ituŋa kalu lualosito akaŋas naka aijarakec? Naarai apotu koyaut kakaŋas naka aijarakec.” Kanuka ŋun koŋer aimat. Kiswamata ituŋa luuni lukirigin akiro ŋun.

²⁰ Abisai, onace loka Yoab, ŋes lokapolon loka luuni; naarai kodaku ŋesi akwarake asurokin akwat auni koar kes, kodum ekiror kotoma luuni.

²¹ Kitopolooritete ŋes adepar luarei kouni, kitaraunai ekapolonikec: konye mam abu kodolok luuni lusodit.

²² Benaia okoku loka Yekoiada, okoku loka etuŋanan loetitiŋ leka Kabuseel, loabu kiswama aswamisio nukagogoŋ, abu ŋesi koar odwe luarei luka Ariel loka Moab: kijesar da, koar eŋatuny kokidiŋ aipany kapak naka akako.

²³Koar ŋesi Emisiriat da, etuŋanan lokos loeoja ikubitin ikany; kitiŋite Emisiriat akwara kakanike naaputos kakitoi naesonyere; kolot ŋol mama ejai ŋesi kebela, kodem akwara kakan naka Emisiriat, koar ŋes kakwarake elopet.

²⁴Kiswama Benaia okoku loka Yekoiada akiro ŋun, kodum ekiror kotuŋa luuni lukirigin.

²⁵Koany, kitopolooritete ŋes adepar akaisauni, konye mam abu kodolok luuni lusodit: kodakak Daudi ŋes ayait ikedarakake.

²⁶ Bobo da ituŋa lukirigin luka ajoresio; Asakel onace loka Yoab, Elukanan okoku loka Dodo loka Bet-lekem;

²⁷Samot Ekarorit, Keles Epelonit;

²⁸Ira okoku loka Ikes Etekoit, Abieser Enatotait;

²⁹Sibekai Ekusatit, Ilai Ekokait;

³⁰Makarai Enetopatit, Keled okoku loka Baana Enetopatit;

³¹Itai okoku loka Ribai loka Gibea loka idwe luka Benyamin, Benaia Epiratonit;

³²Kurai loka aguuruto nuka Gaas, Abiel Erabatait;

³³Asumabet Ebakarumit, Eliaba Esaalubonit;

³⁴Odwe luka Kasem Egisonit, Yonatan okoku loka Sage Ekararit;

³⁵Akiam okoku loka Sakar Ekararit, Elipal okoku loka Ur;

³⁶Keper Emekeratit, Akiya Epelonit;

³⁷Kesiro Ekaramelit, Naarai okoku loka Esibai;

³⁸Yoel onace loka Natan, Mibar okoku loka Kagiri;

³⁹Selek Emonait, Nakarai Eberotit, loadakit lujiis luka Yoab okoku loka Seruia;

⁴⁰ Ira Itirit, Gareb Itirit;

⁴¹ Uria Ekitit, Sabad okoku loka Alai;

⁴²Adina okoku loka Sisa Ereubenit, ekapolon loka Ireubenin, ka akaisauni nepepe kaŋes;

⁴³Kanan okoku loka Maaka, ka Yosapat Emitinit;

⁴⁴Usia Esiteratait, Sama ka Yeiel odwe luka Kotam Eroerait;

⁴⁵Yediael okoku loka Simiri, ka Yoka onaceke, Etisit;

⁴⁶Eliel Emakabit, ka Yeribai, ka Yosabia, odwe luka Elunaam, ka Itima Emoabit;

⁴⁷Eliel, ka Obed, ka Yaasiel Emesobait.