Read Ateso 1 Aisiitonokin 18 Bible Online

1 Aisiitonokin 18 - Ateso bible

1 Aisiitonokin 18

¹ Kosodi kanen akaulo kaŋun, kodany Daudi Ipilisitian, kipiko kes, kodemu Gat ka ireriake kakan naka Ipilisitian.

² Kodany Moab; koraut Imoabin ikejaanakinak luka Daudi koyaut ainakineta.

³ Kitoji Daudi Kadareser ekabaka loka Soba kiton Kamat, nakelosio aiticat ayaiteke eiduny kecor Eupurat.

⁴ Kolema Daudi kamake agalin alukumit, ka ikebwanenok ilukumin ikanykaarei, ka lualosete kakeje ilukumin akaisaarei: kitwaŋal Daudi ibalasin kere luka agalin, konye kiŋadak kakes luka agalin akwatat.

⁵Kepotu Isurian luka Damasiko aisigalikin Kadareser ekabaka loka Soba, kodany Daudi ituŋa ilukumin akaisaarei ka luarei luka Isurian.

⁶ Kosodi Daudi aibwaikin atukon nuka iserikalen Suria loka Damasiko; koraut Isurian ikejaanakinak luka Daudi, koyaut ainakineta. Koinak EJAKAIT Daudi aipikor kama kelosenenei kere.

⁷Koŋatu Daudi ibukui luka esabu lukejaas kikejaanakinak luka Kadareser, koyau kes Yerusalem.

⁸ Koŋatu Daudi aisinit naepol noi koTibat, ko Cun, ireria luka Kadereser, naabu Solomon kiswamaa aŋolol naka aisinit, ka ipirin, ka iboro luka aisinit.

⁹ Kepupu Tou ekabaka loka Kamat ebe adany Daudi ajore kere naka Kadareser ekabaka loka Soba,

¹⁰ abu kijuka Kadoram okokuke mama ejai ekabaka Daudi, ayogan ŋes, ailipakin ŋes arereŋ, naarai etijiit Kadareser kodany ŋes; naarai abu Kadareser kitijiite Tou; kejaas kaŋes iponesio kere luka iboro luka esabu ka epuesa ka aisinit.

¹¹Ŋul da abu Daudi kotiakak EJAKAIT, nepepe kepuesa ka esabu loabu koŋatu katekerin kere; kama ka Edom, ka Moab, kodwe luka Amon, koPilisitian, ka Amalek da.

¹² Bobo da abu Abisai okoku loka Seruia kodany ilukumin itomon ka lukanykauni luka Idomein kAditot naka Abalaŋ.

¹³ Kibwaik atukon nuka iserikalen Edom; koraut Idomein kere ikejaanakinak luka Daudi. Koinak EJAKAIT Daudi aipikor kama kelosenenei kere.

¹⁴Kirum Daudi Isirael kere; kitodolenenei itubesia ka nuetenito kotuŋake kere.

¹⁵Kopolokinite Yoab okoku loka Seruia ajore; kerai Yekosapat okoku loka Akilud ekesiitonokinan.

¹⁶Sadok okoku loka Akitub, ka Abimelek okoku loka Abiatar keraas isasedotin; kerai Sabusa ekalani;

¹⁷ Kopolokinite Benaia okoku loka Yekoiada Ikeretin ka Ipeletin; keraas odwe luka Daudi ikapolok eiduny kekabaka.