Read Ateso 1 Aisiitonokin 27 Bible Online

1 Aisiitonokin 27 - Ateso bible

1 Aisiitonokin 27

¹Idwe luka Isirael kwape kejaar etiaikec, kes ikapolok luka ikekia luka lukapapaakec, ka ikapolok luka ilukumin ka luka akwatat, ka ikapolokokec luapotu kijaanakis ekabaka, kakiro kere nuka abeanakineta nuelomunete ka nuelomarete ŋolilap anatar ilapio kere luka ekaru, kaŋinibeikinet emwaasi ilukumin akaisaarei ka luoŋon.

² Kopolokinite Yasobeam okoku loka Sabudiel abeikinet nasodit naka elap losodit; emwaasi ilukumin akaisaarei ka luoŋon kotoma abeikineteke.

³ Kerai ŋesi loka idwe luka Peres, ekapolon loka ikapolok kere luka ajore kolap losodit.

⁴ Kopolokinite Dodai Ekokait abeikinet naka elap lokiareit, ka abeikineteke; ka Mikilot ekayaiton: emwaasi ilukumin akaisaarei ka luoŋon kotoma abeikineteke.

⁵ Kerai Benaia, okoku loka Yekoiada esasedoti ekapolon lokiwuniet loka ajore naka elap lokiwuniet, lokapolon: emwaasi ilukumin akaisaarei ka Iuonon kotoma abeikineteke.

⁶ Ŋes Benaia ŋol, lokerai etuŋanan lokirigi loka akaisauni, loapolokinit akaisauni: kerai Amisabad okokuke kotoma abeikineteke.

⁷ Kerai Asakel onace loka Yoab ekapolon lokiwoŋonet loka elap lokiwoŋonet, ka Sebedia okokuke atupakin ŋes: emwaasi ilukumin akaisaarei ka luoŋon kotoma abeikineteke.

⁸Kerai Samut Isarit ekapolon lokikanyet loka elap lokikanyet: emwaasi ilukumin akaisaarei ka luoŋon kotoma abeikineteke.

⁹ Kerai Ira okoku loka Ikes Etekoit ekapolon lokikanyetekape loka elap lokikanyetekape: emwaasi ilukumin akaisaarei ka luoŋon kotoma abeikineteke.

¹⁰ Kerai Keles Epelonit loka idwe luka Epuraim ekapolon lokikanyetekaarei loka elap lokikanyetekaarei: emwaasi ilukumin akaisaarei ka luoŋon kotoma abeikineteke.

¹¹ Kerai Sibekai Ekusatit loka Iserakin ekapolon lokikanyetekauni loka elap lokikanyetekauni: emwaasi ilukumin akaisaarei ka luoŋon kotoma abeikineteke.

¹² Kerai Abieser Enatotait, loka Ibenyaminin ekapolon lokikanyetekaoŋon loka elap lokikanyetekaoŋon; emwaasi Ilukumin akaisaarei ka luoŋon kotoma abeikineteke.

¹³ Kerai Makarai Enetopatit, loka Iserakin ekapolon lokitomonet loka elap lokitomonet: emwaasi ilukumin akaisaarei ka luoŋon kotoma abeikineteke.

¹⁴ Kerai Benaia Epiratonit loka idwe luka Epuraim ekapolon lokitomonet ka lodiopet loka elap lokitomonet ka lodiopet: emwaasi ilukumin akaisaarei ka luoŋon kotoma abeikineteke.

¹⁵ Kerai Kelidai Enetopatit, loka Otiniel, ekapolon lokitomonet kaarei loka elap lokitomonet kaarei: emwaasi ilukumin akaisaarei ka luoŋon kotoma abeikineteke.

¹⁶Bobo da luapolokinito atekerin nuka Isirael: kerai Elieser okoku loka Sikiri ekayaiton loka Ireubenin: Sepatia okoku loka Maaka ŋes loka Isimeonin:

¹⁷ Loka Lebi, Kasabia okoku loka Kemuel: loka Aaron, Sadok.

¹⁸ Loka Yuda, Eliku, ediopet koinacan luka Daudi: loka Isakar, Omiri okoku loka Mikael:

¹⁹Loka Sebulun, Isimaia okoku loka Obadia: loka Naputali, Yeremot okoku loka Asuriel:

²⁰Loka idwe luka Epuraim, Kosea okoku loka Asasia: loka atutubet naka ateker naka Manase, Yoel okoku loka Pedaia:

²¹Loka atutubet naka ateker naka Manase koGilead, Ido okoku loka Sekaria: loka Benyamin, Yaasiel okoku loka Abiner:

²²Loka Dan, Asarel okoku loka Yerokam. Ŋul kes keraas ikapolok luka atekerin nuka Isirael.

²³ Konye mam Daudi abu kimar etiai kaŋul luka ikar akaisaarei ka lueroko edolo ŋul: naarai abu EJAKAIT kotema ebe iyatakini Isirael kwape aacer nuka akuj.

²⁴ Kogeu Yoab okoku loka Seruia aimar, konye mam abu koŋetak; ŋes abunokinia Isirael anyunyura; etiai da mam aponi kiwadikai toma oitabo loka aisiitonokin nuka ekabaka Daudi.

²⁵Kopolokinite Asumabet okoku loka Adiel aiŋadisia nuka ekabaka: kopolokinite Yonatan okoku loka Usia aiŋadisia nukejaas komanikoria, koreria lukapolok ka ludidik, ka ireria luebwaitai.

²⁶Kopolokinite Esiri okoku loka Kelub ŋul lueswamaete komanikoria akor.

²⁷ Kopolokinite Simei Eramatit imanikoria luka imusabibun: kopolokinite Sabidi Esipimit araito nuka imanikoria luka imusabibun aili ebino.

²⁸Kopolokinite Baalkanan Egederit iseitunin ka isukumorio lukejaas apuuton: kopolokinite Yoas aili akinyet.

²⁹Kopolokinite Sitirai Esaronit isipanin luadakas Saron: kopolokinite Sapat okoku loka Adulai isipanin lukejaas aditon.

³⁰Kopolokinite Obil Isimaelit akaalai: kopolokinite Yedeia Emeronotit asigman.

³¹Kopolokinite Yasis Ekagirit amerekekin. Ŋul kere kes ikayaitok luka iboro luka ekabaka Daudi.

³² Kerai Yonatan onace loka Daudi ekapetan akiro, etuŋanan loepol aijen, ekewadikan: kejai Yekiel okoku loka Kakumoni ka odwe luka ekabaka.

³³Kerai Akitopel ekapetan akiro loka ekabaka: kerai Kusai Earakit epapero loka ekabaka.

³⁴Abu Yekoiada okoku loka Benaia kotupakinite Akitopel, kosodi Abiatar: kerai Yoab ekapolon loka ajore naka ekabaka.