Read Ateso 1 Aisiitonokin 9 Bible Online

1 Aisiitonokin 9 - Ateso bible

1 Aisiitonokin 9

¹ Kwaŋin aponi kimarai Isirael kere kwape ajaar auriokec; ido koany iwadikatai oitabo loka ikabakan luka Isirael; kijoreoroi Yuda Babulon kanuka adiakarikec.

² Luageete aiboikin airumetakec, oreriakec kes lu, Isirael, isasedotin, Ilebin, ka Inetinim.

³ Kiboiete ko Yerusalem lukodwe luka Yuda, ka lukodwe luka Benyamin, ka lukodwe luka Epuraim ka Manase;

⁴ Utai okoku loka Amikud, okoku loka Omiri, okoku loka Imiri, okoku loka Bani, Iokodwe luka Peres okoku loka Yuda.

⁵Luka Isilonin; Asaia ekiyaike, ka odweke.

⁶Lukodwe luka Sera; Yeuel, ka iinacanakec, akwat akanykape ka akaisakanykaoŋon.

⁷Lukodwe luka Benyamin; Salu okoku loka Mesulam, okoku loka Kodabia, okoku loka Kasenua;

⁸ka Ibuneia okoku loka Yerokam, ka Ela okoku loka Usi, okoku loka Mikiri, ka Mesulam okoku loka Sepatia, okoku loka Reuel, okoku loka Ibiniya;

⁹ka iinacanakec, kwape ajaatar aturiokec, akwat akanykaoŋon ka akaisakany ka lukanykape. Ituŋa ŋul kere kes ikapolok luka ikekia luka lukapapaakec kwape ajaatar ikekia luka lukapapaakec.

¹⁰ Lukosasedotin; Yedaia, ka Yekoi-arib, ka Yakin;

¹¹ka Asaria okoku loka Kilikia, okoku loka Mesulam, okoku loka Sadok, okoku loka Meraiot, okoku loka Akitub, ekapolokiton etogo loka Edeke;

¹²ka Adaia okoku loka Yerokam, okoku loka Pasur, okoku loka Malikiya, ka Maasai okoku loka Adiel, okoku loka Yasera, okoku loka Mesulam, okoku loka Mesilemit, okoku loka Imer;

¹³ka iinacanakec, ikapolok luka ikekia luka lukapapaakec, elukumit ka akwat akanykaarei ka akaisakanykape; ituŋa lukapedor noi aswam aijaanakin naka etogo loka Edeke.

¹⁴ Luka Ilebin; Semaia okoku loka Kasub, okoku loka Asirikam, okoku loka Kasabia, lokodwe luka Merari;

¹⁵ka Bakabakar, Keres, ka Galal, ka Matania okoku loka Mika, okoku loka Sikiri, okoku loka Asap;

¹⁶ ka Obadia okoku loka Semaia, okoku loka Galal, okoku loka Yedutun, ka Berekia okoku loka Asa, okoku loka Elukana, lueboienenete koreria ludidik luka Inetopatin.

¹⁷ Ka ikagolok; Salum, ka Akub, ka Talumon, ka Akiman, ka iinacanakec: Salum ŋes ekapolon;

¹⁸ lu lem kidarenenete erute loka ekabaka ari nakokide: keraas kesi ikagolok luka iidukurun luka idwe luka Lebi.

¹⁹ Koanyanar Salum okoku loka Kore, okoku loka Ebiasap, okoku loka Kora, ka iinacanake, lukokek loka papaake, Ikorakin, aswam naka aijaanakin, ikagolok luka ikekia luka Ewema lokalaunan: keraas lukapapaakec ikapolok luka iidukurun luka EJAKAIT, ikagolok luka ekek;

²⁰ Kerai Pinekas okoku loka Eleasar ekapolonikec kolo sek, kojai EJAKAIT kaŋes.

²¹Kerai Sekaria okoku loka Meselemia ekagolon loka ekek loka ewema loka airiamunun.

²² Ŋul kere luaponi koseunai araun ikagolok luka ikekia, emwaasi akwat aarei ka itomon ka luarei. Aponi ŋul kimarai kauriokec koreriakec ludidik, luapotu Daudi ka Samuel ekadwaran kotiakut aswam aswamukec nakemunoi.

²³Kosodete kesi ka idwekec koanyanarete ikekia lukotogo loka EJAKAIT, ŋes etogo loka ewema lokalaunan, kameanakin.

²⁴ Kejaananas ikagolok owaitin iwoŋon, kide, ka to, ka eŋalakimak, ka agolitomei.

²⁵ Koponenenete iinacanakec, koreriakec ludidik, kaŋunupaarasia akanykaarei apakio kapakio ajaut kakes:

²⁶Naarai ikagolok luoŋon lukapolok, lukeraas Ilebin, ajaas kaswam naatiakakinitai, kopolokinito agolai ka aiŋadisia nuka iboro kaluketiai kotogo loka Edeke.

²⁷Kiboienenete airimor etogo loka Edeke, naarai aidar nakec, nakec da anaanar ŋinitupuruc.

²⁸Kidarenenete ice kakesi iboro luka aijaanakin; naarai emareneneo nakitolomanarere ka nakitolomununere.

²⁹Kotiakakinitete ice kakesi aidar iboro lukotogo, ka iboro kere luka aibois nakalaunan, ka akiria nuidicic, ka ebino, ka akinyet, ka lukisupurununo, ka lueur maa.

³⁰ Kitemokis ice kodwe luka isasedotin eiswamae loka lueur maa.

³¹ Aponi kotiakakinitete Matitia, ediopet koLebin, lokerai ekiyai loka Salum Ekorakit aidar iboro lupeon.

³² Kopolokinito ice koinacanakec, lukodwe luka Ikokatin akiro nuka emugati loka aitodikin, aitemokin ŋes ŋinipaaran nakasabato.

³³ Ŋul kes ikayook, ikapolok luka ikekia luka lukapapaakec luka Ilebin, lueboienenete kagolai luemameete aceswam: naarai kiswamaenenere aswamukec apaaran ka akuar.

³⁴Ŋul kes ikapolok luka ikekia luka lukapapaakec luka Ilebin, anatar aturiokec, ikapolok: kiboienenete ŋul koYerusalem.

³⁵ Kiboie Yeiel, papa loka Gibeon, koGibeon, ekiror loka akeberu Maaka:

³⁶Abudon okokuke lokiyai, ka Sur, ka Kis, ka Baal, ka Ner, ka Nadab;

³⁷ka Gedor, ka Akio, ka Sekaria, ka Mikilot.

³⁸Mikilot kouri Simeam. Kiboiete kesi da kiinacanakec koYerusalem, eiduny kiinacanakec.

³⁹ Ner kouri Kis; Kis kouri Saul; Saul kouri Yonatan, ka Malikisua, ka Abinadab, ka Es-baal.

⁴⁰Okoku loka Yonatan ŋes Merib-baal; Merib-baal kouri Mika.

⁴¹ Odwe luka Mika; Piton, ka Melek, ka Tarea, ka Akas.

⁴²Akas kouri Yara; Yara kouri Alemet, ka Asumabet, ka Simiri; Simiri kouri Mosa:

⁴³Mosa kouri Binea; ka Repaia okokuke, Eleasa okokuke, Asel okokuke:

⁴⁴Kejaas Asel odwe ikanykape, ikecekiroria lu; Asirikam, ka Bokeru, ka Isimael, ka Searia, ka Obadia, ka Kanan: ŋul kes odwe luka Asel.