Read Ateso 2 Aisiltonokin 17 Bible Online

2 Aisiltonokin 17 - Ateso bible

2 Aisiltonokin 17

¹Kirum Yekosapat okokuke aiboisike, kogogoŋior asurokin Isirael.

² Kibwaik irioŋeta koreria kere luebwaitai koYuda, kibwaik iserikalen kakwap naka Yuda, oreria da luka Epuraim luabu Asa papake kirum.

³ Kojai EJAKAIT kaYekosapat, naarai alosenenei korotin lusodit luka Daudi papaake, mam abu komoote neejaas Ibaalim;

⁴ konye komoote Edeke loka papake, kolosenenei kaicorakinetake, mam atupit nukiswamaenenei Isirael.

⁵ Kanuka ŋun kiticat EJAKAIT ajakanut kakanike; koinu Yuda kere ainakineta mama ejai Yekosapat; kojau ŋesi kabar ka aibuses naepol.

⁶ Kitonyounoi eketau orotin luka EJAKAIT: bobo da kolema aiboisio nuiceleleete ka Aserim koYuda.

⁷ Kokaru lokiwuniet da loka airumuke kijuka ikapolokoke, Ben-kail, ka Obadia, ka Sekaria, ka Netanel, ka Mikaia, aisisianakin oreria luka Yuda;

⁸nepepe kakes da Ilebin, Semaia, ka Netania, ka Sebadia, ka Asakel, ka Semiramot, ka Yekonatan, ka Adoniya, ka Tobiya, ka Tob-adoniya, Ilebin; nepepe kakes da Elisama ka Yekoram, isasedotin.

⁹ Kisisianakinete koYuda, kejaas keitabo loka ikisila luka EJAKAIT; kitoroto anatar ireria kere luka Yuda, kisisianakinete ituŋa.

¹⁰ Kobunok etasuro loka EJAKAIT ajakanuto kere nuka akwapin nuerimoritos Yuda, komam bobo esurokinete Yekosapat.

¹¹ Koyaut ice ka Ipilisitian ainakineta mama ejai Yekosapat, ka esolo loka epuesa; koinut Iarabun da ŋes isipanin, imerekekin ilukumin ikanykaarei ka akwat akanykaarei, ka ikorwa ilukumin ikanykaarei ka akwat akanykaarei.

¹²Kiyatanakin apolou naka Yekosapat apoloor noi; koduk itogoi luegozon ka ireria lukainad koYuda.

¹³Kejaas ŋes aswamisio nuipu koreria luka Yuda; ka ikajiok, ituŋa lukirigin luetitiŋ, koYerusalem.

¹⁴Lo ŋes etiaikec kwape ajaatar ikekia luka lukapapaakec; luka Yuda, ikapolok luka ilukumin; Adana lokapolon, ka ituŋa lukirigin luetitiŋ ilukumin akwat auni nepepe kaŋes:

¹⁵kotupite ŋes Yekokanan ekapolon; ka ilukumin akwat aarei ka ilukumin akaisakanykauni nepepe kaŋes.

¹⁶ Kotupite ŋes Amasia okoku loka Sikiri, loabu kijaikin ketau loejok mama ejai EJAKAIT; ka ituŋa lukirigin luetitiŋ ilukumin akwat aarei nepepe kaŋes.

¹⁷Luka Benyamin; Eliada etuŋanan lokirigi Ioetitin, ka ilukumin akwat aarei nepepe kaŋes lukekapito akabwai ka ibukui:

¹⁸kotupite ŋes Yekosabad, ka ilukumin akwatat ka ilukumin akaisakanykauni nepepe kaŋes luetemokino ejie.

¹⁹Ŋul kes luejaanakinete ekabaka kogelara ŋul luebwaikinit ekabaka oreria luebwaitai anatar Yuda kere.