Read Ateso 2 Aisiltonokin 21 Bible Online

2 Aisiltonokin 21 - Ateso bible

2 Aisiltonokin 21

¹Kojotoor Yekosapat ka lukapapaake, aponi kidaikinai kalukapapaake ore loka Daudi: kirum Yekoram okokuke aiboisike.

²Ajaas ŋes iinacan odwe luka Yekosapat, Asaria, ka Yekiel, ka Sekaria, ka Asaria, ka Mikael, ka Sepatia: ŋul kere odwe luka Yekosapat ekabaka loka Isirael.

³Koinak kes papakec ainakineta nuepolok, epuesa ka esabu, ka iboro luka akais nuipu, ka ireria luebwaitai koYuda: konye koinak Yekoram ajakanut naarai ŋes ekiyaike.

⁴ Nakedakakinor Yekoram ayait ajakanut naka papake, kogogoŋoor, koar iinacanake kere kekileŋ, ka ice kokapolok luka Isirael da.

⁵Kerai Yekoram loka ikar akaisauni ka luarei egeuni airum; kirumak ikar ikanykauni ko Yerusalem.

⁶ Kolosenenei korot loka ikabakan luka Isirael, kwape kalukokek loka Akab: naarai amanyit akoku naka Akab: kiswama nueroko kakonyen nuka EJAKAIT.

⁷ Konye mam EJAKAIT akoto amudiar ekek loka Daudi, kanuka aitutuket naetutukit ka Daudi, kwape kisumunio da ainakin ŋes ka odweke atala ikar kere.

⁸ Kapaarasiake kipaliik Edom anyoun kakan naka Yuda, kodakakis ekabakakec kanukec.

⁹Kosodi Yekoram atubor nepepe kikapolokoke, ka agalinike, kere kaŋes: konyou kuare, kodany Idomein lualukunito ŋes, ka ikapolok luka agalin.

¹⁰ Kwaŋin kipaliik Edom anyoun kakan naka Yuda, kiton lolo: kosodi Libuna da aipaliikin kapaarasia kaŋun kakanike: naarai abu kojal. EJAKAIT, Edeke loka lukapapaake.

¹¹ Bobo da kiswamau aiboisio nuiceleleete koroŋan luka Yuda, kitopor luiboiete koYerusalem, kitapaa Yuda.

¹²Kosodi kobu aiwadikaet mama ejai ŋesi nakebuni kama ka Eliya enabi ebe, “Inera kwanata EJAKAIT, Edeke loka Daudi papaakon ebe, Naarai mam jo ilosenenei korotin luka Yekosapat papakon, karaida korotin luka Asa ekabaka loka Yuda;

¹³ konye ilosenenei korot loka ikabakan luka Isirael, kitopor Yuda ka luiboiete koYerusalem, kwape lukokek loka Akab; ido iar iinacanakon lukokek loka papakon, luejok aitelekarit jo:

¹⁴koany, edanyi EJAKAIT ikonituŋa, ka idwekon, ka aŋorokon, ka luijaatar kere katular naepol.

¹⁵Idekakini ijo adeka naka akoik, aitodol naedoenenotor Lukakoikikon ŋinipaaran kanuka adek.”

¹⁶ Kisidik EJAKAIT emoyo loka Ipilisitian ka Iarabun luidunyas ka Itiopian asurokin Yekoram.

¹⁷ Kopotu kesi asurokin Yuda, kobelaros kolomasi, koyaŋaasi iboro kere luadumunio kotogo loka ekabaka, ka odweke da, ka aŋoroke; mam aponi kideikinai ŋes ikoku, dimarai Yekoakas, eŋoorit kodweke.

¹⁸Akaulo kaŋun kere kinom EJAKAIT ŋes akoikike kadek namam epedor aŋaleun.

¹⁹Kosodi kanen ketuboros apaarasia, kedaut ikar iarei, kodooto lukakoikike kanuka adekake, kotwana kadeka naerono noi. Mam iketuŋa apotu kisupuruutu kanuke, kwape kisupuronokiniata lukapapaake.

²⁰Kerai ŋesi loka ikar akaisauni ka luarei egeuni airum, kirumak ikar ikanykauni koYerusalem: kolot komam yenimuit; aponi kidaikinai ore loka Daudi, konye mere toma atesina nuka ikabakan.