Read Ateso Esera 1 Bible Online

Esera 1 - Ateso bible

Esera 1

¹ Kokaru losodit loka Kuro ekabaka loko Perusia, tetere itodolikinio akirot naka EJAKAIT kaituk naka Yeremia, kisidik EJAKAIT etau loka Kuro ekabaka loko Perusia, kolimo anatar ajakanutuke kere, kiwadika da ebe:

² “Inera kwanata Kuro ekabaka loko Perusia ebe, ‘Kainaki eoŋ EJAKAIT, Edeke loka akuj, ajakanuto kere nuka akwapin; kecoraki da adukokin ŋes etogo Yerusalem, loejai toma Yuda.

³ Ŋin yenejai kayes kotuŋake kere, kojai Ekedeke kaŋes, kolot Yerusalem, loejai toma Yuda, koduk etogo loka EJAKAIT, Edeke loka Isirael, ŋes Edeke, loejai Yerusalem.

⁴Yenesalit da kere, kaŋiniibois naiboiororor, kiŋarakis ituŋa luka aiboisike kepuesa, ka esabu, ka iboro, ka ibaren, komam imarakinito ainakineta nuka akot nuka etogo loka Edeke loejai Yerusalem.’ ”

⁵ Kosodete konyout lukapolok luka ikekia luka Yuda ka Benyamin, ka isasedotin, ka Ilebin, kere luabu Edeke kisidik ikecetauon alosit aiduk etogo loka EJAKAIT loejai Yerusalem.

⁶Ŋul da kere lualukunitos kitogogoŋoto akecekanin kanuka iboro luka epuesa, ka esabu, ka iboro, ka ibaren, ka iboro luka etiai loepol, komam imarakinito kere luainaldnito kanuka akot.

⁷ Kitolom Kuro da iboro luka etogo loka EJAKAIT, luabu Nebukadanesar kolem koYerusalem, kibwaik abila naka idekesioke;

⁸ ŋupeŋul etolomuni Kuro ekabaka loko Perusia kakan naka Mituredat ekeŋadan, kimarak Sesebasar, ekapolon loka Yuda.

⁹Lo ŋes etiaikec: atuba akaisauni nuka esabu, atuba alukumit nuka epuesa, ikileŋa akaisaarei ka lukanykaoŋon:

¹⁰atiboi akaisauni nuka esabu, atiboi nuka epuesa nuka epone lokiareit akwat aoŋon ka itomon, ka iboro ice elukumit.

¹¹Iboro kere luka esabu ka luka epuesa emwaasi ilukumin ikany ka akwat aoŋon, Abu Sesebasar koyaŋau ŋul kere, nakeyaŋauniata luejoreoritai anyoun koBabulon kiton Yerusalem.