Read Ateso Nekemia 7 Bible Online

Nekemia 7 - Ateso bible

Nekemia 7

¹ Kosodi kanen, kedaun arwatat adukio, kadau da asipokin ikirigin, koseunai da ikagolok ka ikayook ka Ilebin,

² abu ketitiŋ onaceka Kanani, ka Kanania ekayaiton loka etogo lokagogoŋ ayait Yerusalem: naarai kerai lomunot, koyoŋite Edeke aitelekarit luepu.

³Kasodi atemar kes atiar, “Sirieŋaanario irutei luka Yerusalem eroko akoloŋ emwanuuna; naebwoenenata kesi idarete, kogolonokinete ikekia, kotikete katiketa: kibwaanakinete ikedarak kaŋul luiboiete ko Yerusalem, ŋinituŋanan kabeanakinike, ka ŋinituŋanan asesena keketogo.”

⁴Alal ere, kopol da; konye ekidioko ituŋa luajaas toma, komam itogoi da edukuk.

⁵ Kipiiki Ekadeke otauka atukonokin isotia, ka ikayaitok, ka ituŋa kimarai kaurikec. Kasodi adumun eitabo loka aur naka ŋul kaluageunete anyoun, kadum akiro nu iwadikatai ebe:

⁶ Lu kes idwe luka ebuku, luanyounete kaijoreorio kaŋul kaluejoreoritai, luabu Nebukadanesar ekabaka loko Babulon kijoreo, luaboŋunete Yerusalem ka Yuda, ŋinituŋanan orekec;

⁷ luapote nepepe ka Serubabel, ka Yesua, ka Nekemia, ka Asaria, ka Raamia, ka Nakamani, ka Morudekai, ka Bilisan, ka Misiperet, ka Bigibai, ka Nekum, ka Baana. Etiai loka ikiliok luka ituŋa luka Isirael:

⁸idwe luka Paros, ilukumin iarei ka akwatat ka akaisakanykaarei ka luarei.

⁹Idwe luka Sepatia akwat auni ka akaisakanykaarei ka luarei.

¹⁰Idwe luka Ara, akwat akanykape ka akaisakany ka luarei.

¹¹Idwe luka Pakat-moab, lukodwe luka Yesua ka Yoab, ilukumin iarei ka akwat akanykauni ka itomon ka lukanykauni.

¹²Idwe luka Elam, elukumit ka akwat aarei ka akaisakany ka luoŋon.

¹³Idwe luka Satu, akwat akanykauni ka akaisaoŋon ka lukany.

¹⁴Idwe luka Sakai, akwat akanykaarei ka akaisakanykape.

¹⁵Idwe luka Binui, akwat akanykape ka akaisaoŋon ka lukanykauni.

¹⁶Idwe luka Bebai, akwat akanykape ka akaisaarei ka lukanykauni.

¹⁷Idwe luka Asagad, ilukumin iarei ka akwat auni ka akaisaarei ka luarei.

¹⁸Idwe luka Adonikam, akwat akanykape ka akaisakanykape ka lukanykaarei.

¹⁹Idwe luka Bigibai, ilukumin iarei ka akaisakanykape ka lukanykaarei.

²⁰Idwe luka Adin, akwat akanykape ka akaisakany ka lukany.

²¹Idwe luka Ater, luka Kesekia, akaisakanykaoŋon ka lukanykauni.

²²Idwe luka Kasum, akwat auni ka akaisaarei ka lukanykauni.

²³Idwe luka Besai, akwat auni ka akaisaarei ka luoŋon.

²⁴Idwe luka Karip, akwatat ka itomon ka luarei.

²⁵Idwe luka Gibeon, akaisakanykaoŋon ka lukany.

²⁶ Ituŋa luka Betlekem ka Netopa, akwatat ka akaisakanykauni ka lukanykauni.

²⁷ Ituŋa luka Anatot, akwatat ka akaisaarei ka lukanykauni.

²⁸Ituŋa luka Betasamabet, akaisaoŋon ka luarei.

²⁹Ituŋa luka Kireat-yearim, Kepira, ka Beerot, akwat akanykaarei ka akaisaoŋon ka luuni.

³⁰Ituŋa luka Rama ka Geba, akwat akanykape ka akaisaarei ka lodiopet.

³¹ Ituŋa luka Mikimas, akwatat ka akaisaarei ka luarei.

³²Ituŋa luka Bet-el ka Ai, akwatat ka akaisaarei ka Iuuni.

³³Ituŋa luka Nebo ece, akaisakany ka luarei.

³⁴Ituŋa luka Elam ece, elukumit ka akwat aarei ka akaisakany ka luoŋon.

³⁵Idwe luka Karim, akwat auni ka akaisaarei.

³⁶Idwe luka Yeriko, akwat auni ka akaisaoŋon ka lukany.

³⁷Idwe luka Lod, ka Kadid ka Ono, akwat akanykaarei ka akaisaarei ka lodiopet.

³⁸Idwe luka Senaa, ilukumin iuni ka akwat akanykaoŋon ka akaisauni.

³⁹ Isasedotin: idwe luka Yedaia, lukokek loka Yesua, akwat akanykaoŋon ka akaisakanykaarei ka luuni.

⁴⁰ Idwe luka Imer, elukumit ka akaisakany ka luarei.

⁴¹ Idwe luka Pasur, elukumit ka akwat aarei ka akaisaoŋon ka lukanykaarei.

⁴² Idwe luka Karim, elukumit ka itomon ka lukanykaarei.

⁴³Ilebin: idwe luka Yesua, luka Kadumiel, lukodwe luka Kodeba, akaisakanykaarei ka luoŋon.

⁴⁴Ikayook: idwe luka Asap, akwatat ka akaisaoŋon ka lukanykauni.

⁴⁵Ikagolok: idwe luka Salum, idwe luka Ater, idwe luka Talumon, idwe luka Akub, idwe luka Katita, idwe luka Sobai, akwatat ka akaisauni ka lukanykauni.

⁴⁶Inetinim: idwe luka Sika, idwe luka Kasupa, idwe luka Tabaot;

⁴⁷Idwe luka Keros, idwe luka Sia, idwe luka Padon;

⁴⁸idwe luka Lebana, idweluka Kagaba, idwe luka Salamia;

⁴⁹idwe luka Kanan, idwe luka Gidel, idwe luka Gakar;

⁵⁰idwe luka Reaia, idwe luka Resin, idwe luka Nekoda;

⁵¹idwe luka Gasam, idwe luka Usa, idwe luka Pasea;

⁵²idwe luka Besai, idwe luka Meunim, idwe luka Nepusesim;

⁵³idwe luka Bakabuk, idwe luka Kakupa, idwe luka Karukur;

⁵⁴idwe luka Basilit, idwe luka Mekida, idwe luka Karasa;

⁵⁵idwe luka Barakos, idwe luka Sisera, idwe luka Tema;

⁵⁶idwe luka Nesia, idwe luka Katipa.

⁵⁷ Idwe luka ikejaanakinak luka Solomon: idwe luka Sotai, idwe luka Soperet, idwe luka Perida;

⁵⁸idwe luka Yaala, idwe luka Darakon, idwe luka Gidel;

⁵⁹idwe luka Sepatia, idwe luka Katil, idwe luka Pokeretkasebain, idwe luka Amon.

⁶⁰Inetinim kere, ka idwe luka ikejaanakinak luka Solomon, emwaasi akwat auni ka akaisakanykaoŋon ka luarei.

⁶¹ Lu kes luanyounete koTel-mela, koTel-karasa, koKerub, koAdon, ka Imer da: konye mam apotu kopedosi aitodun ikekia luka lukapapaakec, karaida auriokec, arai keraas luka Isirael:

⁶²idwe luka Delaia, idwe luka Tobia, idwe luka Nekoda, akwat akanykape ka akaisaoŋon ka luarei.

⁶³ Luka isasedotin: idwe luka Kobaia, idwe luka Kakos, idwe luka Barasilai loamanyit aberu kotoma adwe nuka Barasilai Egileadit, komaikinai ekirorikec.

⁶⁴Komoata ŋul neewadikatai kes kotoma kaŋul kaluemaritai kaurikec, konye mam abu kotakanu: kanuka ŋun koomitos ebe amunaunos, kireŋearai kosasedotene.

⁶⁵ Kotema Etirusata ebe kinyeis ainyam iboro lukalaunak noi, aitodol neebwoia esasedoti loejai Urim ka Tumim.

⁶⁶Ekodet kere nepepe emwaasi ilukumin akaisaoŋon ka luarei, ka akwat auni ka akaisakanykape,

⁶⁷komam imarakin ikejaanakinakakec ka akejaanakinakakec, luemwaasi ilukumin ikanykaarei ka akwat auni ka akaisauni ka lukanykaarei: ajaas da ka ikayook ka akayook akwat aarei ka akaisaoŋon ka lukany.

⁶⁸Emwaasi ibalasinikec akwat akanykaarei ka akaisauni ka lukanykape; inyubunukec, akwat aarei ka akaisaoŋon ka lukany.

⁶⁹Akaalaikec, akwat aoŋon ka akaisauni ka nukany; asigirianakec, alukumin akanykape ka akwat akanykaarei ka akaisaarei.

⁷⁰ Apotu ice kokapolok luka ikekia luka lukapapaakec koinakinos aswam. Abu Etirusata koinak idarikin luka esabu elukumit, atiboi akaisakany, ka inapen luka isasedotin akwat akany ka akaisauni toma aiŋadis.

⁷¹ Apotu ice kokapolok luka ikekia luka lukapapaakec koinakis idarikin ilukumin akaisaarei luka esabu, ka ilatirin ilukumin iarei ka akwat aarei luka epuesa toma aiŋadis naka aswam.

⁷² Luainakinete ice da kotuŋa kes idarikin ilukumin akaisaarei luka esabu, ka ilatirin ilukumin iarei luka epuesa, ka inapen luka isasedotin akaisakanykape ka lukanykaarei.

⁷³ Kwaŋin kiboioto isasedotin, ka Ilebin, ka ikagolok, ka ikayook, ka ice kotuŋa, ka Inetinim, ka Isirael kere koreriakec. Kedolo elap lokikanyetekaarei ajaas idwe luka Isirael oreriakec.