Read Ateso Anyoun 19 Bible Online

Anyoun 19 - Ateso bible

Anyoun 19

¹Kolap kalokiwuniet kedaut idwe luka Isirael anyoun kakwap nako Misiri, kodoloto kapaaran kaŋin amodiŋ naka Sinai.

²Kenyout koRepidim, kedoloto da amodiŋ naka Sinai, kibubukis iweman modiŋ; kidukuru Isirael kiŋaren kemoru.

³ Kodoka Musa mama ejai Edeke, konyara EJAKAIT ŋes moru, kobala ebe, “Itemari kwanata ekek loka Yakob, kolimok idwe luka Isirael ebe;

⁴ ‘Ipotu koanyutu nuabu keswamak Imisirian, ido kwape kadakuniata yes kabebenoka nuka emorukaalet, ido kwape kayauniata mama ajai.

⁵ Aso do, arai irimarete cut ekaporoto, koricito aitutuketeka, iluoros do iboreka yeniminat noi kotuŋa kere: naarai akwap kere nakaŋ.

⁶ Iraunos yesi kamakaŋ ajakanut naka isasedotin, ateker da nakalaunan.’ Ŋun kes akiro nuilimokini idwe luka Isirael.”

⁷Kobu Musa konyarau imakio luka ituŋa, kibwaik akiro ŋun kere nukicorakini EJAKAIT ŋes akonyenekec.

⁸ Koracaut ituŋa kere ebe, “Kere nuebala EJAKAIT kiswamai.” Koya babo Musa akiro nuka ituŋa mama ejai EJAKAIT.

⁹ Kobala EJAKAIT Musa ebe, “Koany, abuni mamakon kodou loepol, tetere epupunete ituŋa kiinerakin eoŋ kajo, kiyuunete da jo apaarasia kere.” Kolimok Musa EJAKAIT akiro nuka ituŋa.

¹⁰ Kobala EJAKAIT Musa ebe, “Kolot mama ejaas ituŋa, kitalau kes lolo ka moi, kilotata igoenekec.

¹¹ Tetere itemonokino kapaaran kanakiwuniet: naarai kapaaran kanakiwunier edokuni EJAKAIT moru Sinai kakonyen nuka ituŋa kere.

¹² Ibwaikini ituŋa eikor kowaitin kere, kobala ebe, ‘Kocoito, kinyeis adokar moru karaida atiror eikoruke: abeit ŋin yenetirori emoru eario.

¹³Mam adiokan etirori ŋes, konye abeit ibiribirio kamor arai icumio; arai itiaŋ arai ituŋanan, mam ejari’: nairododikinio arupepe aruo, ikunyakinete kesi moru.”

¹⁴Kodoku Musa komoru kobu mama ejaas ituŋa, kitalau ituŋa; kilotata igoenekec.

¹⁵ Kobala ituŋa ebe, “Kitemonokinos kapaaran kanakiwuniet: mam ikunyakinete aberu.”

¹⁶ Kosodi kiwala akwap kapaaran kanakiwuniet, kojai airetunun ka eimilia, ka edou loepol komoru, ka eporoto loka arupepe loepol noi, Komaranata ituŋa kere luajaas oidukurun.

¹⁷ Kitolom Musa ituŋa koidukurun airiamun ka Edeke, kobwaata kokwap kemoru.

¹⁸ Kopuriei emoru Sinai kere, naarai adokuni EJAKAIT nen kakim: kopuriei apuruke kwape apuru naka eupa, komaran noi emoru kere.

¹⁹ Kiyataki eporoto loka arupepe airu noi, kiner Musa, Koboŋok Edeke ŋes keporoto.

²⁰Kodok EJAKAIT moru Sinai, aidi naka emoru; konyara EJAKAIT Musa adokar aidi naka emoru; kodoka Musa.

²¹ Kobala EJAKAIT Musa ebe, “Kijesar, kicorak ituŋa, kinyeis ailamar mama ejai EJAKAIT aiteere, kosodete luipu kakesi aolior.

²² Kitalaunos isasedotin da luikunyakinete EJAKAIT, kinyek EJAKAIT ailamar neejaas kesi.”

²³Kobala Musa EJAKAIT ebe, “Mam epedorete ituŋa adokun moru Sinai: naarai ibu kicorak sio ebe, ‘Kibwaik eikor airimor emoru, kitalau da.’ ”

²⁴Kobala EJAKAIT ebe, “Kolot, kijesar; idokuni, ijo ka Aaron da: konye kinyeis isasedotin ka ituŋa ailamun adokuni mama ejai EJAKAIT, kinyek ŋesi ailamar mamakec.”

²⁵Kosodi Musa aijesar mama ejaas ituŋa, kolimok kes.