Read Ateso Anyoun 21 Bible Online

Anyoun 21 - Ateso bible

Anyoun 21

¹ “Lu kes itubesia luibwaikini ijo mamakec.

² “Arai kigwel ijo ebulesit loBuraniat, kijaanakini ŋesi jo ikar ikanykape: kokaru kalokikanyetekaarei ejalakinio alosit atai.

³Arai kolo ebunit bon, eboŋori bon: arai emanyit, euparos kakeberu.

⁴ Arai kemanyaki ejakaitike ŋes aberu kourik da ŋes idwe lusap arai lupesur; eraunos aberu ka ikedwe luka ejakaitike, eboŋori ŋesi bon.

⁵ Konye arai ketema ebulesit ebe, ‘Amina ejakaitika, akaberu ka ikadwe da; mam akoto aosikinio’:

⁶ Eyauni do ejakaitike ŋes neejai Edeke, eyauni ŋes okek, arai acunetait; epedi ejakaitike ŋes akit kemutu; ijaanakini ŋes apaarasia kere.

⁷ “Arai kegwela ituŋanan akokuke araun abulesit, mam eosikinio kwape ibulesin.

⁸Arai mam ŋes isiyalamikinit ejakaitike, loemanyit ŋes, ecamakini ŋes alakunio: emamei ŋes apedor aitwegel ŋes imo, naarai amodo ŋes.

⁹Arai kemanyaki ŋesi ŋin okokuke, iswamanakinenei kwape adweke.

¹⁰ Arai kemany ace; mam inonari inyamatake ka inapeneke, ka akekiro da nuka adukono.

¹¹Ido arai mam iswamanakinenei ŋun nuuni, elosi ŋin taai, etwaniari je luagwelitor.

¹² “Yeninomi ituŋanan aiar, abeit eario ŋes da.

¹³ Ido arai mam etuŋanan eperunenei, konye ijaikini Edeke je akanike; ecorakini eoŋ jo aibois naekeriari.

¹⁴ Arai kepeleiki ituŋanan aiar eidunyeteke kebotet; ilemari kotemuka, tetere etwani.

¹⁵“Yeninomi papake, arai totoke, abeit eario.

¹⁶ “Yenekokwari ituŋanan, kogwela, arai ketakanu kakanike, abeit eario.

¹⁷ “Yenilamakini papake arai totoke, abeit eario.

¹⁸“Arai kejioto ituŋa, kibir idiopet yenice kamoru, arai aidip kakan, komam etwani, konye kiteperikinai oitada:

¹⁹ Arai kenyou, kolem ekebela alosio, emameun yenenomi ŋes akirot: konye etaci kanuka akeiboi, etaci da kanuka aitanaleunioke.

²⁰ “Ido arai kinom etuŋanan ebulesitike, arai abulesitike kebela, korasa atwanare; iticanio ŋesi da.

²¹ Konye arai kiriar adaun apaarasia kwape aarei, mam iticanio: naarai erai iboreke.

²² “Ido arai ejios ituŋa, kosodete aimusuŋ aberu naepotie, kolom akoik kiŋa, komam acekanas: abeit egelio, kwape etubio ekile loka aberu; egeli kwape icorakiniata ikatubok.

²³Konye arai kejaun akaŋas, iinakini aijar ma aijar.

²⁴ Akoŋu itia akoŋu, ekelai itia ekelai, akan itia akan, akeju itia akeju.

²⁵Aicweio itia aicweio, amusuŋut itia amusuŋut, aromait itia aromait.

²⁶ “Arai kinom etuŋanan akoŋu naka ebulesitike, arai naka abulesitike, kitumudak; ejalakini ŋes alosit kanuka akoŋuke.

²⁷Arai keloko etuŋanan ekelai loka ebulesitike, arai loka abulesitike; ejalakini ŋes alosit kanuka ekelaike.

²⁸ “Arai kerem emoŋ ekiliokit arai aberu aiar, abeit ibiribirio emoŋ ŋol kamor, mam enyamio akiriŋike: konye emameun elopet emoŋ akirot.

²⁹Konye arai ededeŋ emoŋ lem sek, kitejenunai papake, komam ekoto ajen ŋes, kosodi emoŋ aiar ekiliokit arai aberu; ibiribirio emoŋ ŋol kamor, elopet da eario.

³⁰ Arai ketubokin lugelis, einakini iboro kere luatubokinio alakunia aijarake.

³¹Arai kerem ikoku yenisapat, arai yenipese, etubokinio kwape ejaar etube ŋol.

³² Arai kerem emoŋ ebulesit arai abulesit; einakinio ejakaitike isekelin akaisauni luka epuesa, emoŋ da ibiribirio kamor.

³³“Arai kepuko etuŋanan aipany, arai kebok aipany komam enuki, kibirokin emoŋ arai esigiria.

³⁴Itegelio elopet aipany; einakini elopet-ibarasit apesan, etiaŋ da loatwana eraun loke.

³⁵Arai kerem emoŋ loka etuŋanan emoŋ loka yenice, ajar; egwelario emoŋ loejari, etiakete etiaike; etiakete da ibarasit yenikatwan.

³⁶Arai kejenun ebe abu emoŋ konaikinite sek aremerem luce, komam elopet ekoto ajen ŋes; ibusakinit ŋes alemun cut emoŋ itia emoŋ, ibarasit yenikatwan eraun yenike.