Read Ateso Yob 13 Bible Online

Yob 13 - Ateso bible

Yob 13

¹“Koany, aanyu akakoŋu ŋun kere, Abu akakit kopup kojenu da.

²Nuijenete yesi, eoŋ da ajeni: mam yes kideparito eoŋ.

³Konye akoto einer kaLokapedor kere, ido emiela ainerun ka Edeke.

⁴Konye yes iraas ikajukok aiŋal, yes kere imurwok luutaai.

⁵ Okwe tikililiŋikis cut! Tierai akusicoa.

⁶Aso kopuputu akakirot, kiirasi eirab loka akaituk.

⁷ Inerakinete kereka Edeke numam adolit, Inerakinete kereka nukaiŋal?

⁸ Itubusikinete yesi ŋes? Ipegasi yesi kanuka Edeke?

⁹Ejok tope ŋes airere yes? Arai bo kwape yeniŋalaŋalai ituŋanan, iŋalaŋalaete ŋes da?

¹⁰Abeit kitoroni yes, arai itubusikinete ituŋa kaiyeiyea.

¹¹Mam akepolou kitukuriani yes? Etasuroke da mam kidoikini?

¹²“Idaesiakus eraas awaragasia nuka ekurwon, ikegalikinokokus kes ikegalikinok luka elupe.

¹³Kililiŋata, kinyeinai kener, keja nuepote kopotu.

¹⁴ Kanukinyo ayaŋaaria akakuan okelaka, ka aibwaikin akaijar akanika?

¹⁵ Karaida kaar ŋesi eoŋ, konye edareuni ŋes; konye etogogoŋi eoŋ ikarotin kakonyeneke.

¹⁶ Ido ŋin ŋes akaitajario; ŋol lomam eyoŋit Edeke mam edolenenei akonyeneke.

¹⁷Kopupokis noi akakiro, ka ŋun da nualimori kojaut toma akiikus.

¹⁸Aso koany, esuduny akakiro; ajeni ebe arai loadolit.

¹⁹ Iŋai bo ŋin yenikipegakinor eoŋ? Kasodi keliliŋ kajal akaijar.

²⁰Na bon sirikiiswamak akiro aarei kasodi mam aŋopi kakonyenekon.

²¹Kolema akanikon kolwaniar kamaka; kinyek etasurokon aitukurian eoŋ.

²²Aso kiworo ijo, eoŋ da eii; arai bo kinyeinai kener, ido koboŋok.

²³Imwaasi ai numam adoliteka ka aronisioka? Kitejenunai cani aibucaretaka ka akaronis.

²⁴ Kanukinyo ibwaia akonyenekon, konyara da lokasurupikon?

²⁵ Itapasi kereka ijo akiot naekutaria ekwam? Irukitor ijo ariaŋ naeonit?

²⁶ Isilakini ijo adwaris aluikin eoŋ, ido isurumi numam adolit nuka eiditeuka;

²⁷ Ieni ijo akakejen koloit, irerei ikasokono kere; igiri eikor aisirimor akakeje.

²⁸Karaida kasubit bala ibore yenabos aipirisiar, bala egoe loenyami ekajekelut.”