Read Ateso Yob 14 Bible Online

Yob 14 - Ateso bible

Yob 14

¹ Ituŋanan yeneurie aberu ikidioko akepaarasia, ileleba ican.

² Elomuni kwape aturot, erinyori; iirori kwape etoribe, mam ebusi.

³ Egiparete kereka akonyenekon yenikoni nen koyau atubokinio mamakon?

⁴ Iŋai bo epedori aitolomun ibore yenelai kotoma yenimam elai? Mam idio da.

⁵Naarai inerunit apaarasiake, etiai loka ilapioke ejai kajo, ibu kibwaik eikor lomam epedori ailam;

⁶ koŋolia nenice, kiyeŋ, aitodol naedaunia apaaranike kwape yeneropio.

⁷“Naarai ejai amun ebe ekitoi kejepar, itocuni bobo, mam edaunos alibunetake.

⁸Karaida kemojoŋata akejeke kotoma alup, aketorom da etwanikini alup;

⁹konye kanuka aiŋuun akipi elibuni, iganete atenuna kwape iraat yenilidio.

¹⁰Konye etwani ituŋanan, elosi inona; eebo, ejali ituŋanan akeijar, ejai bo ai?

¹¹Kwape eonikinioto akip kaŋolol, ebosuni ecor eonikini;

¹² Kwape kwaŋin eperi ituŋanan komam enyouni: aitodol naedaunor akuj, mam ekwenyunete, karaida aitekwenyunio kajokec.

¹³Wu okwe arai kiitoŋop eoŋ toma Okatwak, tikimunon kaiyeiyeakon, kiton naetuboror anyunyurakon, tikibwaik apak naeseunitai, kiitu eoŋ!

¹⁴ Arai ketwana ituŋanan ejari kereka bobo? Tikedareu adaun apaarasia kere nuka ejieka, aitodol needolunio akaosikinio.

¹⁵ Tikiinyarau, eoŋ da eii: tiimiela aswam naka akaninikon.

¹⁶ Konye kwana imari akailameta; mere iseseni akaronis?

¹⁷Eenen akadiakar toma ocoe loipucitai, iburit numam adoliteka.

¹⁸“Abeit iŋoŋar eroŋat kodaun, atiiba da elemunio kaiboisike;

¹⁹iturususete akip amor; ailapanarikec itelelearete apua naka akwap: imudiari da amuno naka ituŋanan.

²⁰Ipikori ijo ŋes ikar kere, etubor; ijulakini ijo akonyeneke, kijuka.

²¹ Edolete odweke aibuses, komam ŋes ejeni; itisilio kes, komam ŋes ejeni kwape ejaatar.

²² Epupuni ariebo naka akuanake, kokuudiani da akeijar.”