Read Ateso Yob 16 Bible Online

Yob 16 - Ateso bible

Yob 16

¹Kosodi koboŋok Yob kotema atiar:

²“Apupunun nuipu nuikote nen: iraas yesi kere iketalakarak luitapasete.

³Enaŋete kereka akiro nukamameak? Arai bo inyo kitunyunyurikini tape iboŋokini?

⁴ Eoŋ da tikapedo einer kwape ineratatar yesi; arai kejaas ikusitauon toma aibois naka ekatau, tikapedo airuc akiro aitoronia yes, Aimunumunakinia yes akakou.

⁵Tiketogogoŋ yes kakaŋajep, aitalakar da naka akaituk tiketojono ariebokus.

⁶“Karaida enera, mam akariebo ejoni; ido karaida katitiŋik inyo iŋogari kamakaŋ?

⁷Konye kwana ketapas; itisilio akatukot kere.

⁸Ido kicuik ijo eoŋ noi, ŋes ekajenan kamakaŋ: akadokoror kanyoikini, ketejenikini kakonyeneka.

⁹Kagwaragwar kakenyunyura, kareit; kaŋianaki ikelake: kedetanakini lokasurupika akekonye.

¹⁰ Kitooŋanakis aitukekec; kebapanasi amataŋen kaimuar: katukonokinotor alosikinit eoŋ.

¹¹Kakorakini Edeke mama ejaas lumam eyoŋito ŋes, kacakakini akanin nuka ikaronok.

¹²Abu kajai toma aijamam kabilibil ŋesi eoŋ, eebo abu ketiŋ kalari, kepicipic: ido kasipok araun egumatake.

¹³Kerimosi ikagumakake iwaitin kere, ecili ŋesi ikaŋeretenya, komam itimi; ebukokini epiuka kwap.

¹⁴Kapedepede apedon nuipu, kakerik kwape ekagogoŋon.

¹⁵ Adonyoki eoŋ epuko amunyoka, ebwaik amumwarataka apua.

¹⁶Amunaunos akonyeneka kanuka aimony, ejai etoribe loka atwanare abukioka;

¹⁷karaida kemamei akaje kakaninika, ililiauna akailip.

¹⁸ “Wu jo akwap, sirikirap akaokot, akaimony da kinyek aisiyeŋunio.

¹⁹ Aso kwana da, koany, ejai ekajenanika toma akuj, ido ekabwaaranika ejai toma akuj.

²⁰Kamwaŋito ikapapero; konye emonyete akakonye akiyo mama ejai Edeke,

²¹ tetere iticasi ewai loka ituŋanaa mama ejai Edeke, ka loka okoku loka ituŋanan mama ejai iidunyeteke.

²² Naarai ketuboros ikar luikidioko alosi eoŋ erot lomam aboŋunio.”