Read Ateso Yob 18 Bible Online

Yob 18 - Ateso bible

Yob 18

¹Kosodi koboŋok Bilidad Esukit kotema atiar,

²“Itodoli ai alokit akiro? Koomoom ber, kokau kinera isio.

³ Kanukinyo kinayaraa sio itiaŋ, Karaunos lumam elaete kakonyenekon?

⁴ Ijo loigwaragwara bon kanuka akoninyunyura, epedori akwap ainyeinio kanukon? Arai bo atiida alemario kaiboisike?

⁵ “Eebo, ituduŋiorio aica naka ikaronon, mam asara naka akimike ecauni.

⁶Eraun aica amuton kowemake, ituduŋiorio atalake naejai kujuke.

⁷Eridakina agogoŋ naka ailametake, elatanari ainerunike ŋes.

⁸Naarai akekeje kes ebirokinete ŋes oboi, ido elosenenei neejaas aloketa.

⁹Ikamuni atacit aketatinyo, ipoki eic ŋes.

¹⁰Imurumuraritai aipany kalup, ka atacit korot.

¹¹ Itukuriani ŋes etasuro kowaitin kere; ido korukitor aduduŋit atatinyonoke.

¹² Itamamauni eteŋei akegogoŋ, iguanakini ŋesi kobunokin epola.

¹³Enyamenenei atutubeta nuka akuanake, eebo, enyamenenei ekiyai loka atwanare atutubetake.

¹⁴ Erutununo kowemake loemuno ŋesi; ido eyaununo mama ejai ekabaka loka etasuro.

¹⁵ Iboienenei kowemake yenimam erai yenike obe: ebukokinio acukuman toma aiboisike.

¹⁶Eonionokinete cut akeliasio kwap kokuju da itelio aketenuna.

¹⁷ Eoliori aiituneteke kakwap, emameun ekekiror korot.

¹⁸Ireŋeario toma amuton anyoun kaica, ido emejao anyoun kotoma akwap.

¹⁹ Mam ejaunos kikoku, karaida epapait kotuŋake, karaida yenideikini ŋes kaneeboienenoo.

²⁰Eumonokinete luetupanakinete akepaaran, kwape kitukurianitere ŋul lukegeikinete.

²¹ Abeit ikote nen itogoi luka lumam edolito, ido ŋin ŋes aibois naka ŋol kalomam ejeni Edeke.”