Read Ateso Yob 23 Bible Online

Yob 23 - Ateso bible

Yob 23

¹Kosodi koboŋok Yob kotema atiar:

²“Lolo da elitoro akairurum; elaŋir akekan aitelekarit eidinyika.

³Okwe arai kajeni neapedoria aanyun ŋes, arai kapedori adolore neiboio!

⁴Tikesuduny akakiro kakonyeneke, ketorip akiro kaitukuka.

⁵Tikajen akiro nukaboŋokini, kajenuni da nukabala eoŋ.

⁶ Tikereka ketepeg kotoma apolou naka apedorike? Mam; ti ŋes da kapupoki eoŋ.

⁷Tikepedo etuŋanan loetenara kotau apurokin bon kaŋina kamake; kwaŋin ti kalakunere apaarasia kere kama ejai ekatubonika.

⁸ “Koany, alosi kiŋaren, konye emamei ŋesi; kaboŋo kau da, konye mam apedori aanyun ŋes.

⁹Amoi ŋes kediany da, konye mam apedori aanyun ŋes; kebelokini teten, konye mam apedori aite ŋes.

¹⁰ Konye ejeni ŋesi erot loaderit; Kaadau ŋesi aigimor eoŋ, alomuni kwape esabu.

¹¹ Icasete akakeje kokukutuke; abu kader ekerot, komam apaari.

¹²Mam abu kajal aicorakinet naka aitukuke; abu keŋadak akiro nuka aŋajepeke otauka.

¹³ Konye erai ŋesi lokepone ediopet, iŋai bo epedori aibelokin ŋes? Nuipuda ŋesi, ŋun iswamai da.

¹⁴ Naarai itodoli ŋesi ŋun nukaseikinitai sek: ejaas kaŋes nuipu nuikote nen.

¹⁵ Ŋes eyaloŋoŋoo naejaar ŋesi; naaomoomaa, akurianar ŋes.

¹⁶Naarai isiiliori Edeke ekatau, kesiyaloŋoŋ eoŋ Lokapedor kere:

¹⁷ naarai mam abu kabur kanuka amuton, karaida kanuka amuton naejesi ŋaŋ naerapiari akakonyen.”