Read Ateso Yob 9 Bible Online

Yob 9 - Ateso bible

Yob 9

¹Kosodi koboŋok Yob kotema atiar:

² “Abeit ajeni ebe ikote nen: Konye ikonakini ai ituŋanan eraun yenikadoliton kaneejai Edeke?

³Arai ipuda ŋesi apega kaŋes, mam epedori aboŋokin akirot adiopet kotoma alukumit.

⁴Eco ŋesi kotau, ido epol kotoma agogoŋ: Iŋai ŋin yenininikiar kaneejai ŋesi, kosodi aisirereŋio?

⁵Loeukori iroŋan, komam ejenete, naebuburiaria kes kanyunyurake.

⁶ Loijaŋari akwap kotoma aiboisike, komaranete ipirinoke.

⁷Loicorakini akoloŋ kinyek alomun; ido ipucakini aacer.

⁸Loepesikini bon akuj, ido icakacakai akailan nuka aŋolol.

⁹ Loesubi Adubu, * ka Orion, * ka Pleiades, [2] ka agolai nuka eŋalakimak.

¹⁰Loiswamai nukos numam eŋicunos; eebo, nukaumokin numam imarunos.

¹¹ Koany, etubori kodieka, komam aanyuni ŋes; iyatakini da akelosit, konye mam ajenuni.

¹² Koany, ikamuni lumejan, iŋai bo epedori aitikokin ŋes? Iŋai bo da etemari ebe, ‘Inyo bo iswamai ijo?’

¹³“Mam Edeke inyakuni akenyunyura; Ekukumete ikeŋarakinak luka Rakab kokwapuke.

¹⁴Ekoni eoŋ ai apedori aboŋokin ŋes, aseun akakiro ainerun kaŋes?

¹⁵ Karaida kadolit, mam tikaboŋok ŋes; tikeŋaiŋa lokasurupika.

¹⁶Tikeworo, ŋes da kaboŋokini; mam tieyuunit ebe apupu ŋesi ekaporoto.

¹⁷ Naarai kabili ŋesi eoŋ kekwam, iyatanakini amusuŋunuka komam akirot.

¹⁸Mam kesiikini aiyeŋanar apuru, konye kesilelebi adwaris.

¹⁹Arai kinera nuka agogoŋ naka lokagogoŋon, koany, ejai! arai nuka etube, iŋai bo ketetemikini apak?

²⁰Karaida kadolit, akaituk ketetelekari akiro: karaida ketenara, ketejenuni kwape araar lomagul.

²¹Etenara eoŋ; mam asesena bon; ameni aijaraka.

²² Kere eraas adiopet; ŋes katemaria ebe, Emudiari luitenara ka lukaronok.

²³Arai keŋesa akaŋas atular, isekeli ŋesi epola loka yenimam akiro.

²⁴ Einakinitai akwap akan naka ikaronon: erapaari akonye nuka ikatubokoke; arai mere ŋes, ŋes ca iŋai?

²⁵“Etiroko akapaarasia aitelekarit ekakeran: ekerete, mam eanyunete ajokis.

²⁶Etubonoros kwape atakerin nuka aladoi: kwape euruporia emorukaalet imejaunake.

²⁷Arai abala ebe, ‘Kemurwoki airurumakaŋ, ejulakini eoŋ akakonyen nuakadakinito, kalakari’:

²⁸ Ayoŋit aitururuka kere ajeni ebe mam kiinyarit eoŋ lomam akiro.

²⁹Ketelekarete akiro; kanukinyo ca etaaritor atai?

³⁰Arai keloŋ kakipi nuelaete noi noi, ketesega noi akakanin;

³¹Konye kibirokini ijo eoŋ aipany, kalaete eoŋ ikanapen.

³² Naarai mere ŋes etuŋanan, kwape eoŋ, eoŋ aboŋokin ŋes, tetere kiriamakin kotube.

³³ Emamei ekadiekan kokidiŋikosi, loibwaikini akekanin kamakosi kere.

³⁴Kolema ŋesi ekebela kamaka, kinyek etasuroke aitukurian eoŋ:

³⁵ŋes konyet ti enerar, komam akurianar; naarai mam ikote nen kamakaŋ.”