Read Ateso Isabulin 105 Bible Online

Isabulin 105 - Ateso bible

Isabulin 105

¹ Kimalata EJAKAIT, kiworoto ekekiror; Kitejenut aswamisioke otuŋa.

²Koyeikisi ŋes, koyeikisi aiturit ŋes, Kitatamata aswamisioke kere nukaumokin.

³Kitubusikina kokirorike lokalaunan, Kolakaros itauon luka ŋul kaluemoete EJAKAIT.

⁴ Komoata EJAKAIT ka akegogoŋ; Komoata akonyeneke ikar kere.

⁵ Kiitutu akeswamisio nukaumokin nueswama; Nukaumokinike ka Itubesia luka aitukuke;

⁶Wu yes aur naka Aburaam ebulesitike, Yes idwe luka Yakob, luseunake.

⁷ Ŋes EJAKAIT Ewokodeke: Ejaas iketubesia akwap kere.

⁸ Eitu ŋesi aitutuketeke ikar kere, Akirot naabu kicorak aturio alukumit.

⁹ Aitutuket naetutuki ŋesi kAburaam, Ka aiyapositike mama ejai Isaak.

¹⁰ Abu kitogogoŋ da ŋipeŋin mama ejai Yakob araun ekisil, Mama ejai Isirael araun aitutuket namam edaun.

¹¹ Kotema atiar, “Kainakini jo akwap naka Kanaan; Koraun ewai loka airumetekon.”

¹² Nakeraatar kesi ituŋa luekidioko, Eebo, luekidioko noi, kiboiororoto kotomake.

¹³Kirimete kateker kiton ateker, Anyoun kajakanut adiopet kiton otuŋa ice.

¹⁴ Mam abu kocamak idiotuŋanan aikonakin kes erono, Eebo, abu kitoron ikabakan kanukec;

¹⁵Kobala ebe, “Sitikitirosi lukinyonyoikitonoka akinyet, Sirikiswamakis ikanabin aronis.”

¹⁶ Konyarak akwap ebeli, Abu kobil ebela kere loka atap.

¹⁷ Abu kijuka etuŋanan aiŋarenikin kes; Aponi Yosep kogwelarai araun ebulesit:

¹⁸ Aponi kisiriebai akekeje kirikoi, Kiperikinoi orikoi luka asua.

¹⁹Aitodol apak naetodolere akekirot; Kigimo akirot naka EJAKAIT ŋes.

²⁰ Kijuka ekabaka kolacak ŋes, Ekayaiton loka ituŋa, koosik ŋes.

²¹ Kitarau ŋes ekapolon loka etogoke, Ekayaiton da iboroke kere.

²²Ajen ikapolokoke kwape etojokitor ŋesi, Aisisianakin imakioke apirianut.

²³ Kobu Isirael da Misiri; Kiboikin Yakob akwap naka Kam.

²⁴ Kitupuu iketuŋa noi, Kitogogoŋ da kes adepar lukasurupokec.

²⁵Kibelok itauonokec alaite iketuŋa, Amodanakin ikebulesin.

²⁶ Abu kijuka Musa ekebulesit, Aaron da loabu koseu.

²⁷Kitodikis kes aanyunetake, Ka nukaumokin kakwap naka Kam.

²⁸ Kijukak amuton, kitumuton; Mam apotu kipaliikis akekiro.

²⁹ Kituluo akecekipi aokot, Koar da ikeceboro lukecor.

³⁰ Kileleba akecekwap aidodoka, Kagolai nuka ikabakanakec.

³¹ Abu kiner, kopotu do icuc luipu noi, Ka ilac koikorunokec kere.

³² Kitetepik kes akako itia akiru, Ka eimilia loededeŋ akwapukec.

³³Kipot imusabibunukec ka itininikec; Kobilibil ikito luka oikorunokec.

³⁴ Abu kiner, kobu do emaase, Ka enyede, lomam imarun.

³⁵Konyam ŋinikiot kakwapukec, Konyam da araito nuka akecekwap.

³⁶ Abu kodany da ikiyaik kere kakwapukec, Ageunet naka akecegogoŋ.

³⁷ Abu kitolom kes kojaas kepuesa ka esabu: Komamei idiopet yenineniakauna katekerinike.

³⁸Eyalama Misiri naanyounioto kesi; Naarai apotu kesi kokuriakata kes.

³⁹ Kotera edou araun eimukos; Ka akim aica kuare.

⁴⁰ Kilipata, koinu kes alurueik, Kisimonik kes atap naka akuj.

⁴¹ Koŋa atiiba, kibulubulunos akip; Koleleata kaiboisio nueokito bala ecor.

⁴²Naarai abu kiitu akekirot nakalaunan, Ka Aburaam da ekebulesit.

⁴³Kitolom iketuŋa kaiyalama, Luseunake kayoore.

⁴⁴ Koinak kes akwapin nuka atekerin; Kodemut lukorion luka ituŋa aitaraun lukec:

⁴⁵ Tetere ericete ikekisila, Idarete da aicorakinetake.