Read Ateso Isabulin 140 Bible Online

Isabulin 140 - Ateso bible

Isabulin 140

¹Loka Ekapolokiton lueruos. Esabuli loka Daudi. Wu EJAKAIT, koyuunai kama ejai ituŋanan yenikaronon; Kidarai kama ejai ituŋanan yenikadedeŋan:

²Luitetemonorete ameŋeranut kotauonokec; Icebokinitos atukonokin nepepe ejie.

³ Epenata akeceŋajep bala emun; Ejai aisorit naka emusaga kwap kaŋajepekec. Sela.

⁴Wu EJAKAIT, kidarai kakanin nuka ikaronok: Kidarai da kama ejaas ituŋa lukadedeŋak: Lualosikis aitapaar akakeje.

⁵ Ebwaata luituros eic lokalokitotor, ka aunoi; Aterakis eboi ariri kerot; Etemokis da atacin alokia eoŋ. Sela.

⁶ Abu katema EJAKAIT atiar, Ijo ŋes Ekadeke: Wu EJAKAIT, kitoik akit eporoto loka aiŋaiŋaka.

⁷ Wu Edeke EJAKAIT, agogoŋ naka aitajarioka, Irapia akakou kapaaran naka ejie.

⁸ Wu EJAKAIT, sirikijaik yenikaronon nuipuda; Sirikitodol ekebotet lokaronon; Kinyeis aitopoloor bonik. Sela.

⁹ Konye akwes nuka ŋul kalukerimorito, Korapia kes ameŋeranut nakanaiepakec.

¹⁰ Kotepakis kes atotol nuesaranete: Kocakakinai kes akim; Toma apanya nuidulok, tetere mam bobo enyounete.

¹¹Mam iticasio kakwap yeninera nueroko: Emejai aronis aibiror ituŋanan yenikadedeŋan.

¹² Ajeni ebe itodoli EJAKAIT akiro nuka luereitai, Ka abeit da naka luilwaritos.

¹³Abeit imalaete ikadolitok ekonikiror: Iboikinos luitenara akonyenekon.