Read Ateso Isabulin 145 Bible Online

Isabulin 145 - Ateso bible

Isabulin 145

¹Esabuli loka Aiturit; loka Daudi. Ketopoloori jo Ekadeke, wu Ekabaka; Eturenenei ekonikiror ikar kere.

²Keturenenei jo ŋinipaaran; Eturenenei ekonikiror ikar kere.

³Epol EJAKAIT, loibusakinit aiturio; Mam akepolou emounio.

⁴Aturi adiopet ituri aswamisiokon mama ejai aturi ace, Elimori da akoniswamisio nukapedor.

⁵Nuka aibuses naepol naka apoloukon, Ka akoniswamisio nukaumokin, kes aomoomoi.

⁶Itatamete ituŋa apedor naka aswamisiokon nuketasuro; Alimori eoŋ da apoloukon.

⁷Iŋerete aiitunet naka ajokisikon naepol, Eyeete da nuka adolitekon.

⁸ Esiana EJAKAIT, ileleba aision; Iyapi anyunyurikin, ido loka aitim naepol.

⁹ Ejok EJAKAIT kama kakere; Aitimesiake nuejok ejaas mama kaswamisioke kere.

¹⁰ Kimalaete jo akoniswamisio kere, wu EJAKAIT; Kiturete jo lukalaunakakon.

¹¹Iŋerete nuka aibuses naka ajakanutukon, Itatamete da akonipedor;

¹²Aitejenun odwe luka ituŋa aswamisioke nukapedor, Aibuses da naka apolou naka akejakanut.

¹³Akonijakanut erai ajakanut namam enaŋi, Ejaenena da ayaitekon anatar aturio kere.

¹⁴Igaŋi EJAKAIT luibiroros kere, Itonyouni da ŋul kere luekukumito.

¹⁵Kidarito jo akonye nuka kere, Iinakini kes ikecenyamat kedol apak.

¹⁶Ipukori akonikan, Isimonikini da eimiel loka ŋinibore kere yenikajaran.

¹⁷Edolit EJAKAIT korotinike kere, Esiana da kaswamisioke kere.

¹⁸ Eapie EJAKAIT kama ejaas luiwoneete ŋes kere, Kama kaŋul kere luiwoneete ŋes kabeit.

¹⁹ Itodoli eimiel loka ŋul kalueyonito ŋes; Epupuni da aimonyokec, itajari kes.

²⁰ Idari EJAKAIT ŋul kere lueminasi ŋes; Konye emudiari ikaronok kere.

²¹Ineri akaituk aiturit EJAKAIT; Kitur ŋinikuan kere ekekiror lokalaunan ikar ka ikar.