Read Ateso Isabulin 27 Bible Online

Isabulin 27 - Ateso bible

Isabulin 27

¹Esabuli loka Daudi. EJAKAIT ŋes akaica ka akaitajar: da; Akurianar iŋai? EJAKAIT ŋes agogoŋ naka akaijar; Akerit iŋai?

²Nakasurokiniata luiswamaete aronis ainyam akakuan, Kes lukasurupoka lukekoloka da, Eguiikis ebiroros.

³Karaida kidukur ajore ainn, Mam ekatau ekurianar: Karaida kaadoikis ijiisio, ŋul da anirikini.

⁴Abu kelip EJAKAIT akirot adiopet, ŋipeŋin naamoenenei; Aiboienen kotogo loka EJAKAIT Apaarasia kere nuka aijaraka, Asesenen ajokis naka EJAKAIT, Aomoomoenen da koyekaluke.

⁵ Naarai kapaaran naka aiyaloŋoŋ Kedari kaiyeiyea kotogoke; Kaŋopis naka ekewema ŋes kebwaia; Ketonyouni katiiba.

⁶Natikwana itonyouni akouka kokuju kalukasurupoka lukerimorete; Ainakini da asuban nuka aiyalama owemake; Ayeenenei, eebo, ayeenenei aiturit EJAKAIT.

⁷Wu EJAKAIT, kiira naeworoo keporotoka: Kitimoi da, Koboŋok.

⁸Naitemaria atiar, “Komoata akakonyen”; Kobala ekatau jo ebe, “EJAKAIT, amoenenei akonikonyen.”

⁹Sirikibwa akonikonyen kaneajai; Sirikirenea ekonibulesit kanyunyura. Irai ijo ekeŋarakinanika; Sirikiicaka, kwabo sirikiijalak, Wu Edeke loka akaitajario!

¹⁰ Naarai kajalakis papaka ka totoka, Konye ketanuni EJAKAIT.

¹¹Kisisianakinai ekonirot, wu EJAKAIT; Kitetenai kosokot loetakani, Kanuka lukasurupoka.

¹² Sirikiinak mama ejaas lukasurupoka aiswamakin nuipudasi: Naarai kanyoikis ikasabak, ka ŋul luinerasi nuka adedeŋ.

¹³ Tikeilor arai kemam eyuunit aanyun ajokis naka EJAKAIT Kakwap naka lukajarak!

¹⁴ Kidareu EJAKAIT! Kogogoŋior, kotitiŋior; Eebo, kidareu EJAKAIT!