Read Ateso Isabulin 30 Bible Online

Isabulin 30 - Ateso bible

Isabulin 30

¹Esabuli loka Daudi. Ekosio loka Atiakunio naka Eyekalu. Ketopoloorenenei jo, wu EJAKAIT, naarai kikia eoŋ, Mam isiyalamikinit lukasurupoka aipikor eoŋ.

² Wu EJAKAIT, Ekadeke, Abu keworo, kitaŋaleu.

³ Wu EJAKAIT, ibu kitonyou ekatau kOkatwak: Ibu kidar akaijar kenye aijesar toma Aipany.

⁴Koyeenenete aiturit EJAKAIT, yes lukalaunakake, Kimalaenenete ekekiror lokalaunan.

⁵ Naarai etubor akenyunyura atipet; Toma aminake ejai aijar: Diat kimonyi akuare kia, konye kilakar tupuruc.

⁶ Eoŋ da naakerianar kabala ebe, “Mam eriaŋiriaŋenena.”

⁷ Ijo EJAKAIT, kotoma aminakon, Ibu kiticat ekaroŋat kogogoŋ; Ibu kibwa akonikonyen; keyaloŋoŋ.

⁸Keworoi jo, wu EJAKAIT: Ido keŋaiŋa EJAKAIT ebe,

⁹ “Ajokis anyoin ejai toma aokotoka, kejesar Aipany? Kiturenenei kereka apua jo? Elimonokini kereka abeitekon?

¹⁰ Kiira, wu EJAKAIT, kitimoi: EJAKAIT, koraun ijo ekakenarakinan.”

¹¹ Ibelok akaibworo araun ekosio; Ilaea igoen luka aibworoka, kitanap aiyalama:

¹²Tetere kiyoonokini akaibuses aiturit jo, komam ililiŋi, Wu EJAKAIT Ekadeke, kemalaenenei jo apaarasia kere,