Read Ateso Isabulin 31 Bible Online

Isabulin 31 - Ateso bible

Isabulin 31

¹Loka Ekapolokiton lueruos. Esabuli loka Daudi. Wu EJAKAIT, kamuno jo; Kenyek aisurumeneneo ileic: Kolakunai kadolitekon.

² Kitoikinai akonikit; Kisunyite alakun eoŋ. Koraun atiibaka nakagogoŋ, Etogo loegalikinio aitajar eoŋ.

³ Naarai ijo atiibaka ka akabwas da; Kanuka ŋun korikoroi kiŋarenikinoi kanuka ekonikiror.

⁴Kolemunai kotoma oboi lokalokitere kaiyeiyea; Naarai irai ijo akabwas.

⁵ Eŋadakini ekamoyo akanikon: Ibu kolaku eoŋ, wu EJAKAIT, ijo Edeke loka abeit.

⁶Alait ŋul lueomitos aamameak nuka aiŋal; Konye amuno eoŋ EJAKAIT.

⁷ Alakanar eyalamanakin kanuka akoniitim: Naarai ibu koany akaiticanio; Ibu kojen ekatau kotoma ocan:

⁸ Kwabo mam ibu kogoloo eoŋ akan naka lokasurup: Ibu kibwaik akakeje aibois naelal.

⁹Kitimoi, wu EJAKAIT, naarai kakadaki: Aoniki akakoŋu kanuka aimony, Eebo, ekatau ka akakuan da.

¹⁰Naarai iiŋoŋanar akaijar kaiturur, ka ikaruka da keidiny: Etegaki akagogoŋ kanuka numam adoliteka, Akakojo da aoko.

¹¹ Kanuka lukekoloka kere araun eoŋ amorosit, Eebo, mama ejaas ikaidunyeta cut, Ido akurian mama ejaas ipaupaka: Lukaanyunete korot kakerete.

¹²Kemurwokin bala ikatwan yenimam eomitai: Asub bala atido naabwaŋa.

¹³ Naarai abu keira areanakin naka luipu, Etasuro loepol iwaitin kere! Naeneruniata aluikin eoŋ, Kotuboto acoa amudiar akaijar.

¹⁴Konye kamuno jo, wu EJAKAIT: Katema atiar, “Ijo Ekadeke.”

¹⁵Ejaas akapaarasia akanikon: Koyuunai kakan naka lukasurupoka, Kaneejaas ŋul dil lukemanito.

¹⁶ Kitacaik ekonibulesit akonikonyen: Kitajarai kakonisianut-nakamin.

¹⁷ Kenyeis ileic airum, wu EJAKAIT; Naarai keworo jo: Kisurumenenei ikaronok ileic, Kisililiŋ kes kOkatwak.

¹⁸ Kisibuta aituke nukeŋalak: Nuinerasi nuka epali mama ejaas ikadolitok, Kelepa ka emwaŋit.

¹⁹ Eiliili cama akonijokis Nainadakinit ŋul lukiyoŋito, Naiswamakinia ŋul lukimunos, Kakonyen nuka odwe luka ituŋa!

²⁰ Ibwai kes kotoma aŋopis naka ajautukon Kobotei luka ituŋa: Idarenenei kes kaiyeiyea kowema Kama ejai aŋolopa naka aŋajepa.

²¹Kituritete EJAKAIT! Naarai ketodiki akesianut-nakamin nakaumokin Kotoma ore loegogoŋ.

²²Esuburiarit eoŋ einer ebe, “Kamudiar kakonyenekon”: Kwabo ibu kopup eporoto loka akaiŋaiŋa Nakeworoo jo.

²³ Kominasi EJAKAIT, yes kere ikekalaunak: Itaŋaleuni EJAKAIT lumunon, Eropi noi ekeswaman nukelepa.

²⁴Kogogoŋoto, kotitiŋioto, Yes kere luidareunito EJAKAIT.