Read Ateso Isabulin 49 Bible Online

Isabulin 49 - Ateso bible

Isabulin 49

¹Loka Ekapolokiton lueruos; Esabuli loka odwe luka Kora. Kiirasi nu, yes atekerin kere; Kitoikisi aki, yes kere luiboienenete kakwap:

²Imukopin ka lukapolok, Lukabarak ka lukibakor kere nepepe.

³Inerenena akaituk nuka acoa; Eomoomoenenei ekatau nuka aijen.

⁴ Etoikini akak it apupun awarag: Ekuiuni kadeudeu akakirot naemunonit.

⁵Inyo bo akurianar kotoma apaarasia nuka aronis, Nakerigaunitor amamus adolit atitibanaka?

⁶Luemunos abarakec, Koomiara kanuka aipues naka abarakec.

⁷ Emamei kaŋul yenepedori alakun onaceke nepetai da, Karaida ainakin Edeke lugelis ŋes:

⁸ (Naarai eiliilete akais nuka alakun akeceijar, Ibusakinit ainyeinio ikar kere.)

⁹ Tetere ebusi ikar kere, Komam ebosi.

¹⁰Naarai eanyuni ebe etwakete lukacoa, Yenibaŋ ka yenesubit etiaŋ eoliorete kere nepepe, Inyeiniata da ice akecebar.

¹¹Eomitos kotauonokec Ebe Ejaenenas ikecetogoi apaarasia kere Aiboisiokec da enatarete aturio kere: Emaanakinete akecekwapin ikiroriakec kikulepek.

¹²Konye mam ebusenenei etuŋanan kayonio: Esubit bala itiaŋ lueoliorete.

¹³Ekecerot ŋol ŋes akecebaŋaanut: Konye ituŋa luetupakinete kes itojokete akecekiro. Sela.

¹⁴ Elomarete Okatwak bala amerekekin; Eraun atwanare ekecokonikec: Eyaenenete luetenito kes kiwala akwap; Eraun aputokec nailikorio kokatwak, Tetere emameikini aibois.

¹⁵ Konye elakuni Edeke akaijar kotoma agogoŋ naka Okatwak: Naarai ŋes kesukunyikini. Sela.

¹⁶Siriyonenenei etuŋanan kebar, Kiyatakin aibuses naka eketogo:

¹⁷Naarai naetwania mam eyaŋaari imodiobore; Mam akeibuses etupari ŋes.

¹⁸Karaida abu konyarite akeijar nakarereŋ naariŋar ejari, Ido kiturito ituŋa jo naiswamanakinor nukajokak.

¹⁹Elosi ŋesi neejai atur naka lukapapaake; Mam eanyunete bobo aica.

²⁰ Ituŋanan yenejai aibuses komamei aijen, Esubit bala itiaŋ lueoliorete.