Read Ateso Isabulin 5 Bible Online

Isabulin 5 - Ateso bible

Isabulin 5

¹Loka Ekapolokiton lueruos; kanuka alamarun, Esabuli loka Daudi. Kitoik akit akakiro, wu EJAKAIT, Kibwaik etau toma aomoomoka.

²Kopupok eporoto loka akaiwonet, Ekakabaka ka Ekadeke da; Naarai kelipit jo.

³ Wu EJAKAIT, ipupununei ekaporoto tupuruc; Etemonokini akailip tupuruc mama ijai, kedarite.

⁴ Naarai mam irai Edeke loisiyalamikinit nukaronok; Mam aronis iboie kamakon.

⁵ Mam luiwoŋoko ebwoete kakonyenekon; Ilait kere luiswamaete numam edolito.

⁶Imudiari luineras nukaiŋal: Elait EJAKAIT ikaaran ka ikamodan.

⁷ Konye kanukaŋ, toma ailiil naka akonisianut-nakamin alomari togokon: Kotoma ayoŋit jo ŋes amaia kaseseni eyekalukon lokalaunan.

⁸Kiŋarenikinoi, wu EJAKAIT, kotoma adolitekon, kanuka lukasurupoka; Kisideleleu erotokon kakonyeneka.

⁹ Naarai emamei amunonut kaitukekec; Atutubetakec nukotoma eraas nukaronok cut: Elogorotokec ŋes ailit naeŋaara; Ijodijodete kaŋajepakec.

¹⁰Komudia kes, wu Edeke; Kibiroros kanuka akeceinerun kikulepek: Koremo toma aipues naka apaarikec; Naarai kipaliikis jo.

¹¹ Konye kolakaros kere luemunos jo, Kibwoŋata kanuka aiyalama apaarasia kere, naarai iiikinit ijo kes: Ido kiyalamasi lueminas ekonikiror kotomakon.

¹²Naarai isirereŋi ijo ikadoliton; Wu EJAKAIT, irigauni ŋes kasianut kwape kebuku.