Read Ateso Isabulin 65 Bible Online

Isabulin 65 - Ateso bible

Isabulin 65

¹Loka Ekapolokiton lueruos. Esabuli. Ekosio loka Daudi. Wu Edeke kidarit jo aiturit koSion: Ido mamakon itodolenenere aiyaposit.

² Wu jo loiirari ailip, Mamakon epote kere luejaas awat.

³ Ketelekasi eoŋ numam adolit: Iluci ijo aibucanaretakosi.

⁴ Isirereŋitoi ŋin yeniseuni ijo, ka aisukunyikin da, Tetere iboienenei kalaroikon: Kisimonikinio sio ajokis naka ekonitog, Aibois nakalaunan naka eyekalukon.

⁵Kotoma akiro nusogim kiboŋokini ijo sio kadolit, Wu Edeke loka aitajariokosi; Ijo loirai amun naka isaŋeta kere luka akwap, Ka naka ŋul da kaluelwaka luejaas aŋolol:

⁶ŋol loitieasi imor kakegogoŋ; Konapite apedor:

⁷ Loisinapikini airuruma naka aŋololin, airuruma naka akailanakec, Ka ecelet loka atekerin.

⁸ Ŋul da luiboiete kawasia naka akwap akuriakaros kanuka aanyunetakon: Iinakinit ijo elomune loka tupuruc ka loka atiboŋ alakera.

⁹Ianyanari akwap, icocoi da, Itabari noi; Ecor loka Edeke ileleba akip: Itudumikini kes akima, Kidau aitemonokin akwap kwaŋin.

¹⁰Icocoi noi alelesiake; Idipakini itutioke: Itonokoki kelimilim; Isirereŋi akebwanun.

¹¹ Itorokini aboko naka ajokisikon okaru; Edoenenete ikonirotin atarion.

¹²Idonanakinos oronyia luka amodiŋ: Enapete iukon aiyalama.

¹³Enapito ironyia isipanin; Akima da erapito aditon; Ikareete kanuka aiyalama, eyeete da,