Read Ateso Isabulin 79 Bible Online

Isabulin 79 - Ateso bible

Isabulin 79

¹Esabuli loka Asap. Wu Edeke, apotu ikapirin toma airumetekon; Amunaut eyekalukon; Atiyanakis Yerusalem aitaraun aapoŋor.

² Etanyamata akweny nuka akuj akiriŋ naka awat nuka ibulesinikon lukatwak, Ainakis itiaŋ luka akwap akiriŋ naka lukalaunakakon.

³ Abukonosi da akeceokot kwape kakipi airimor Yerusalem, Komamei da yenidai kes.

⁴Kiraun isio amorosit kama ejaas iidunyetakosi, Aisekelio ka akienar kama ejaas lukirimorito sio.

⁵ Wu EJAKAIT, itodoli ai inyunyura ikar kere? Enokenenei kereka ekonikolo bala akim?

⁶ Kobukok akoninyunyura mama ejaas ikapirin lumam kijenete jo, Kobukok da mama ejaas ajakanuto numam iwoneete ekonikiror.

⁷Naarai anyamasi Yakob, Etisilioto da akeibois.

⁸ Sirikiitu kamakosi numam adolit nuka lukapapaakosi, Konye koruruk sio akoniitim: Naarai kisilior isio noi.

⁹ Kiŋarakinai sio, wu Edeke loka aitajariokosi, Kanuka aibuses naka ekonikiror: Kolaku sio, koluc akosironisio, Kanuka ekonikiror.

¹⁰Kanukinyo atemariata do ikapirin ebe, “Ai bo ejai Ekecedeke?” Ibus ainyaŋ aokot nuka ibulesinikon nuabukoros, Kojenun kotoma okapirin keteete isio da.

¹¹ Kobu aumeno naka ienan akonyenekon; Kwape ejaar apolou naka apedorikon kitajar ijo ŋul lueraas idwe luka atwanare.

¹²Kinyakak toma atorobu naka iidunyetakosi irwan akanykaarei, Amorositokec, nukimoromoroto jo, wu EJAKAIT.

¹³ Kasodete isio ikonituŋa, amerekekin nukoronyikon, Aimalaenen jo ikar kere: Kitodikini aturio kere akoniiturio.