Read Ateso Awaragasia 3 Bible Online

Awaragasia 3 - Ateso bible

Awaragasia 3

¹ Okokuka, sirikimurwonokini ekakisil: Konye koricenenei akaicorakineta kotaukon:

²Naarai kiyatakinio kwaŋin aibut apaarasia, Ka ikar luipu, ka ainapakin da.

³ Kinyek aitim ka abeit aijal jo; Koenanakini omurisiŋikon; Kiwadikaenenei kes apukenit naka etaukon:

⁴ ŋes idumunia aminunio ka ajenun naejok, Kakonyen nuka Edeke ka ituŋa da.

⁵ Komunonena EJAKAIT kekonitau kere, Kwabo sirigoŋakina toma ajenunikon.

⁶ Kolimonori ŋes korotinikon kere; ŋes da iteteni akonilosit.

⁷ Siriraenena loka acoa kakonyenekon elopet; Koyoŋitenenei EJAKAIT, konyou karonis.

⁸Eraun ŋin aŋaleu naka akonikuan, Asumeta da nuka akojokon.

⁹ Kitubusik EJAKAIT koborokon, Ka lugeet kere luka akerianutukon.

¹⁰ Ilelebunos kwaŋin idulaakon amio, Ilapanar da ebino kaalakanyakon.

¹¹ Okokuka, sirimwaŋenenei aicor naka EJAKAIT; Kwabo kinyek akeriemeriem aitapas jo.

¹² Naarai eriemeriemei EJAKAIT yenemin; Kwape eriemeriemaa papa ikekoku yenelelakinit.

¹³Elakara ituŋanan yenedumuni acoa, Ka ŋin da yenedumuni ajenun.

¹⁴ Naarai emutunuke itelekarit emutunu loka epuesa, Akemeda da itelekarit esabu loejok.

¹⁵ Erai acoa naka akais nuipu aitelekarit amoru nukareŋak nuka akais: Kwabo emamei ibore yenipedori aiŋobel aitiriania ŋes.

¹⁶ Ejai aibut akanike nakoteten; Toma akanike nakokediany da ejai abar ka aibuses.

¹⁷ Irotinike eraas irotin lukajokis, Isokonoke da kere eraas ainapakin.

¹⁸ Ŋes ekitoi loka aijar mama ejaas ŋul luikamunete ŋes: Elakara da ŋinituŋanan yenericit ŋes.

¹⁹ Toma acoa kesipokinia EJAKAIT akwap; Toma ajenun da kiticasia akuj.

²⁰ Toma aijenike acilatar ataroi, Itodoununei akuj akopyo.

²¹Okokuka, koricit acoa naeŋalei ka acobeu, Sirienyounete kakonyenekon;

²²Tetere eraunos aijar kotaukon, Asianut da komurisiŋikon.

²³Ŋes konyet ilosenenoo kainapakina, Komam iguikini akonikeju.

²⁴ Naiperenenoo, mam ikurianari; Eebo, iperi, ido kijijimikinete akonijo.

²⁵Sirikikurianar etasuro Iokisirieŋuni, Karaida amudiario naka ikaronok, naebunio:

²⁶Naarai eraun EJAKAIT amunokon, ldari ŋesi akonikeju kinyek aipok.

²⁷ Sirikimik ajokis ŋul lutikebeito, Nakepedoria akonikan aiswamaun.

²⁸ Sirikitema eidunyetekon ebe, “Kolot, koboŋu bobo, Kainakini moi”; kwabo ejai ibore diekon.

²⁹Sirikineru aronis aluikin eidunyetekon, Naarai iboie kamakon kainapakina.

³⁰ Siripegasi ketuŋanan komam akirot, Arai mam kikwaikinit jo erono.

³¹Sirikikokotik etuŋanan loka akaje, Sirikiseu irotinike.

³²Naarai loepaarit erai loketal mama ejai EJAKAIT: Konye ipaperikini ŋesi kaluitenara kotauon.

³³ Ikeni EJAKAIT etogo loka lokaronon; Konye isirereŋi neiboienenoo lokadoliton.

³⁴ Isekeli ŋesi luisekelete, Konye einakini luitasonos asianut.

³⁵ Irumete lukacoa aibuses, Konye irumete ibaŋiok ileic.