Read Ateso Awaragasia 5 Bible Online

Awaragasia 5 - Ateso bible

Awaragasia 5

¹Okokuka, kibwaik akacoa otaukon; Kitoik akonikit ajenunika;

² Tetere idari acobeu, Koric da akoniituk aijen.

³Naarai elelei esik kaituk naka aberu naadote, Ejijim akeŋajep adepar akinyet:

⁴ Konye edwar awasiake ria ria, Ekwana kwape kekileŋ loekwaka iwaitin iarei.

⁵ Ijesaros akejeke mama ejai atwanare; Ederi akelosit Okatwak;

⁶Tape mam edumuni esokot loitenara loka aijar, Iriaŋiriaŋas ikerotin, mam da ejeni ŋun.

⁷Aso do, ikadwe, kopupunoi, Sirikinyout kakiro nuka aitukuka.

⁸Kitwalan ekonirot kamakeŋ, Sirikikunyak okek loka etogoke:

⁹Kinyek ainakin ice aibusesukon, Ikonikar mama ejaas luededeŋ:

¹⁰Kinyeis imo aimonikin akonigogoŋ; Aitaaritoikon da ajaut togo loka lukacekwap;

¹¹Idinya ijo kosaŋekon, Naedaunor akonikiriŋ ka akonikuan.

¹²Ibala rwaru ijo ebe, “Ala cama aituutoorio, Amwaŋ da ekatau aitoronio;

¹³Mam abu karimarite eporoto loka ikesisianakinakaka, Karaida aitoikin akakit ŋun luketuutoorete!

¹⁴Kaapik cut aronis kere, Kidiŋ kekodet ka atukot.”

¹⁵Komasenenei akipi nukamotikon, Akipi nueleleete katanikon.

¹⁶Tikereka ejok akonyen nuka ecoakon kikaikina, Icorin da luka akipi korotin?

¹⁷Koraut nukon bon, Ido mere nuka imo kajo.

¹⁸ Kisirereŋoi akoŋu naka ecoakon, Kolakara kaberu naka atumunikon.

¹⁹ Kwape amori naminat ka amiam naelok, Kominakinitos jo ikisinake apakio kere; Kolelakinite aminake.

²⁰Naarai okokuka, kanukinyo ilelakinitor aberu naadote, Kitunia atorob naka nakerimon?

²¹ Naarai ejaas irotin luka etuŋanan kakonyen nuka EJAKAIT, Iteteni ŋesi ikesokono kere.

²² Numam adolit nuka ikaronon kes ipokete ŋes, Eenio kaunoi nuka akeronis.

²³ Etwani kanu emamear aituutoorio; Eoliori kanu epolor abaŋaanutuke.