Read Ateso Ekosio 1 Bible Online

Ekosio 1 - Ateso bible

Ekosio 1

¹ Ekosio loitelekarit ikososinei, ŋes loka Solomon.

²Mere cama kanu ŋesi eoŋ kanueta nuka aitukuke! Naarai aminakon itelekarit ebino kajokis.

³ Eurok sa akinyetakon nukiledis; Esubit ekonikiror bala akinyet naebukoritai; Ŋes kiminatatar apesur.

⁴ Kiriunai; kikeri isio da kitupit jo: Kayaŋ au ekabaka toma agolaike. Kiyalamikini kalakaros kotomakon, Kitatamenenei aminakon aitelekarit ebino: Kiminasi jo kadolit.

⁵Enono eoŋ, konye etemelel, Yes apesur nuka Yerusalem, Kwape iweman luka Kedar, Kwape aigalisio nuka Solomon.

⁶Sirikisesenete eoŋ, naarai awasar, Naarai kapeit akoloŋ. Kesiopakis odwe luka totoka, Ketaraut akedaran imanikoria luka emusabibu; Konye mam abu kedar emanikorika loka emusabibu.

⁷ Wu jo loemina ekatau, kolimokinai, Neitadakenenei esipanikon, Naisiuriakenenea kidiŋ paaran: Naarai kanukinyo tikaraunor naerimi Kaneejaas isipanin luka ipaupakon?

⁸Arai mam ijeni, ijo naitelekarit aŋor kere katemelel, Koloma kibwap akejen nuka esipanikon loka amerekekin, Kitadak ikaleikon neejaas iweman luka ikecokok.

⁹ Wu jo naminataka, ketiriani jo Kabalasit naka agalin nuka Parao.

¹⁰ Ibusak iitinyokon kaicipeta nuka itim, Ekonimurisiŋ da kaunoi nuka iboro luka akais nuipu.

¹¹Kiswamakini jo aicipeta nuka esabu Nueropanakinio kepuesa.

¹²Nakiboio ekabaka kariri naka emesake, Kouru sa akakinyet nakesai.

¹³Lominataka esubit bala eriagi loka emina, Loenapakinitai kidiŋ kikisinaka.

¹⁴Lominataka esubit bala aibuŋet naka aturo nuka koper, Komanikoria luka emusabibu luka En-gedi.

¹⁵ Koany, itemelel, ijo naminataka; koany, itemelel: Ijaas kakonye nuka ajele.

¹⁶Koany, itemelel, lominataka, eebo, kesiyalamikinit: Imeloikinit etutiwok.

¹⁷Akito nuka etogowok kes iresia, Nuiriikino da iberosin.