Read Ateso Isaia 18 Bible Online

Isaia 18 - Ateso bible

Isaia 18

¹ Wu okwe, akwap naka abebenoka nuipukupukos, Naejai okekwa kicorin luka Etiopia:

²Naijukari ikiyakia aitor aŋolol, Toma atakerin nuka aladoi ebe, Koloto, yes ikiyakia luitiroko, Mama ejai ateker naeojak ituŋa luerurut da, Ateker nasogim ameun kageunetekec kiton kwana; Ateker naekorokoroi naipudapudai, Naetiakito icorin akwapukec!

³Yes kere luiboiete kakwapin, Ka yes da luidukurete kakwap, Naikeikinia emedera koroŋan, kosesenete yesi; Naekutakinere arupepe, kopuputu yesi.

⁴Naarai kabala EJAKAIT eoŋ kwanata ebe, “Apaluni eoŋ, aseseni ajai aiboisika naeboio; Kwape aibuse naipiororoi kocai akoloŋ, Kwape elisina loka akopyo kaibuse naka aisak.”

⁵Naarai eriŋa aisak kedoluno, kerinyosi atur, Eluoros atur imusabibun luimomwotos, Kotubutubei ŋesi luitocete kicilikikin lukidimet, Atenuna da nuepesitos ejepari ŋesi, elemari da.

⁶Ejalakinitai kere akweny nueurupitos nuka iroŋan, Ka itiaŋ da luka akwap, Toma aiporo enyamenenete akweny nueurupitos, Toma akamu da enyamenenete itiaŋ kere luka akwap.

⁷ Kapak kaŋipe kaŋin einunio EJAKAIT loka ajoresio Ainakinet naka ituŋa lueojak luerurut da, Ateker nasogim ameun kageunetekec kiton kwana; Ateker naekorokoroi naipudapudai, Naetiakito icorin akwapukec, toma aibois naka ekiror loka EJAKAIT loka ajoresio, moru Sion.