Read Ateso Isaia 52 Bible Online

Isaia 52 - Ateso bible

Isaia 52

¹ Kokweny, kokweny, konap akonigogoŋ, ijo Sion; Konap inapenekon lukaseganut, Ijo Yerusalem, ere lokalaunan: Naarai amear lolo mam bobo elomununei tomakon Yenimam ekepitai ka yenimam elai.

² Kitotwaar apua; konyou, kiboikin, ijo Yerusalem: Kolacakin korikoi lukomurisiŋikon, Ijo apese naka Sion nakinataritai.

³ Naarai inera kwanata EJAKAIT atiar, “Kiponi kogwelar atai; ido kilakunio komam apesan.

⁴Naarai inera kwanata EJAKAIT Edeke ebe, Ageun apotu ikatuŋa koloto Misiri aiboiororoi ŋina; koreu kes Eyasuriat atai.

⁵ Inera EJAKAIT ebe, Aso natikwana asubi nyo kane, naarai aponi koyanaara ikatuŋa atai? Inera EJAKAIT ebe, Eresianaros ŋul lueyaito, emoromoroo ru ekakiror duc apaaran kere.

⁶Ŋes ejenuniata ikatuŋa ekakiror: ŋes ejenuniata kapaaran kaya ebe Eoŋ ŋopeŋol loenera: koany, Eoŋ lopelo.”

⁷ Ejokuka ca ma koroŋan akeje nuka ŋol kaloeyaunit akirc nukajokak, Loelimori ainapakin, loeyaunit akiro nukajokak nuka ajokis, Loelimori aitajario; Loebala Sion ebe, “Irumit Ekonideke!”

⁸ Eporoto loka ikonikedarak! Ikeseunete eporoto, ikosien nepepe; Naarai eanyunete rwaru akoŋu ka akoŋu, Naeboŋunio EJAKAIT Sion.

⁹Korwaunos ailel, koyooto nepepe, Yes aiboisio nuiswapito nuka Yerusalem; Naarai etalaka EJAKAIT iketuŋa, Alaku Yerusalem.

¹⁰ Esideleleu EJAKAIT akekan nakalaunan kakonye nuka atekerir kere, Isaŋeta kere luka akwapisinei eanyunete aitajar nak: Ewokodeke.

¹¹ Koloto, koloto, konyout kanen, Sirikitirosi ibore kere yenimam elai; Konyout kokidiŋike; Kitalaunos, yes luidakito iboro luka EJAKAIT.

¹² Naarai mam inyounete imaranete, Kwabo mam ilosete ikerete; Naarai kinarenikin yes EJAKAIT: Ido kitupit yes Edeke loka Islrael.

¹³ Koany, iswamai rwaru ekakejaanakinan kacoa, Iturio, itopoloorio, ikiar noi.

¹⁴ Kwape kiwumokinitotor jo luipu, (Emunauna akekonyen aitelekarit ituŋanan kere, Ka akesubunet aitelekarit naka idwe luka ituŋa.)

¹⁵ Kwaŋin isirieŋuni atekerin nuipu; Ebutarete ikabakan kanukeŋ: Naarai eanyunete numam alimonokinitai kes: Ejenunete da numam kiiranarito.