Read Ateso Yeremia 21 Bible Online

Yeremia 21 - Ateso bible

Yeremia 21

¹ Akirot naka EJAKAIT naabu kobu mama ejai Yeremia, nakijukaria ekabaka Sedekia Pasur okoku loka Malikiya, ka Sepania okoku loka Maaseia esasedoti, mama ejai, ebe,

² “Keŋaiŋait, kiŋitakinai EJAKAIT, naarai itemonokino Nebukadanesar ekabaka loko Babulon aitiji oni: motoko kiswamakini EJAKAIT kwape ejaatar akeswamisio kere nukaumokin, tetere itoboŋoori ŋes.”

³Kosodi Yeremia kolimok kes ebe, “Ilimokinete Sedekia kwanata ebe:

⁴ ‘Inera kwanata EJAKAIT, Edeke loka Isirael ebe: Koany, esinyakari lujiis luejaas akaninikus, luitijioto ekabaka loko Babulon, ka Ikaludean, lukirigaunito arwatatinikus; ido atukonokini kes kidiŋ ore lo.

⁵ Ido eoŋ elopet ketijie yes, kakan naerioro, ka akan da nakagogoŋ, kanyunyura, ka adedeŋ, ka adwaris naeta ria.

⁶Adanyi eoŋ da luiboiete kore kalo, ituŋa ka itiaŋ da: etwakete atular naededeŋ.

⁷ Ido ebala EJAKAIT ebe, Akaulo kaŋun, ejaikini Sedekia ekabaka loka Yuda, ka ikekejaanakinak, ka ituŋa, ŋul luapiaŋunos kore kalo kanuka atular, ka ekileŋ, ka eteŋei, akanin nuka Nebukadaresar ekabaka loko Babulon, ka akanin nuka lukasurupokec, ka akanin da nuka ŋul kaluemoete akeceijar. Edanyi ŋesi kakwanis naka ekileŋ; mam ideuni kes, mam itimi, ido mam isionie.’

⁸ “Ilimokini ituŋa lu ebe, ‘Inera kwanata EJAKAIT ebe: Koany, ebwaik kakonyenekus erot loka aijar, ka erot loka atwanare.

⁹ Yeniboikini ore lo, eari ekileŋ, ka eteŋei, ka atular; konye yenelomari, aluŋakin Ikaludean lukirigaunete, ebusi ŋipeŋin, akeijar da eraun aŋatuna.

¹⁰ Naarai ebala EJAKAIT ebe, Asesen eoŋ ere lo kakoŋu kanaerono, konye mere kanaejok: ijaikinio akan naka ekabaka loko Babulon, Ŋes da icwei kakim.’

¹¹“Ido nuka ekek loka ekabaka loka Yuda, kiner ebe, ‘Kiirasi akirot naka EJAKAIT.

¹² Ijo ekek loka Daudi!’ Ebala EJAKAIT kwanata ebe: “Kodilok aitub akiro, Koyu iŋatara kakan naka ekareiton, Kinyek akadedeŋ alomar kwape akim, Kicwe komamei yenepedori aitudeŋ, Kanuka aronis naka aswamisiokus.”

¹³ Ebala EJAKAIT ebe, “Koany, kanyoikinit jo, Ijo yeniboie kaditot, atiiba naka apuuton; Yes luibalasi ebe, ‘Iŋai ca ikokorun asurokin oni? Iŋai bo da elomuni aiboisiowok?’

¹⁴ Ebala EJAKAIT ebe, Keticani yes kwape ejaatar araito nuka aswamisiokus: Enokokini akim amagoroke, Isidopori da kere luirimorito.”