Read Ateso Akuudian 5 Bible Online

Akuudian 5 - Ateso bible

Akuudian 5

¹Kiitu, wu EJAKAIT, nukibunokis sio; Koany, kosesen aitisiliokosi.

²Araun airumetekosi naka imo, Itogoikosi da luka lukacekwapin.

³Kirau ikokiok, luemameete lukapapa, Asubata nukatotokosi bala apuserun.

⁴Kitaci akipi nukimasi, Kitwegelio akitokosi.

⁵Lukirukitotor ejaas omurisinakosi; Kilworun, emamei aibworar.

⁶ Kiriiki Misiri akanin, Ka Iyasurian da, tetere isimonikinete inyamat.

⁷ Apotu lukapapakosi kodiakanasi, ido emameete; Kibwokit isio da numam adolitekec.

⁸Kiyaito ibulesin: Emamei yenikilakuni kakanikec.

⁹Kidumuni inyamatakosi kaipal aijar, Kanuka ekileŋ loka amodiŋ.

¹⁰Esarani amunyokosi bala emukaru, Kanuka amwanis naitisisiei naka ebeli.

¹¹ Ebuonorete aŋor koSion, Abekon da koreria luka Yuda.

¹²Ikajanakinete ikapolok akaninikec; Mam eyoŋito imakio.

¹³ Edakete itelepai akaŋas, Iguanakinete idwe ludidik ibwokitos akito.

¹⁴ Adaunos imakio kotoma orutei, Enyeis itelepai ayoorekec.

¹⁵Asaŋa aiyalama nakotauonokosi; Aluor akosiisom aibworo.

¹⁶Ado aboko anyoun kakwesikosi: Itukwi isio! Naarai kidiakana.

¹⁷ Ŋes eilorotor ikositauon; Kanuka ŋun ŋes awariwariata akosikonyen.

¹⁸Kanuka eroŋat loka Sion, loesil; Irimete ikuwei kanen.

¹⁹Konye jo, wu EJAKAIT, ijaenena ikar kere; Ejai ekoniicoloŋ ageun katur kiton aturio.

²⁰Kanukinyo kimurwokinia apaarasia kere, Kojal isio apak naetia nen?

²¹Kitobonunoi, wu EJAKAIT, sio da kiboŋuni; Kiteteu akosipaarasia kwape kolosek.

²²Konye kigiri kereka ijo sio cut? Kinyunyurik kereka noi?