Read Ateso Esekiel 42 Bible Online

Esekiel 42 - Ateso bible

Esekiel 42

¹ Kosodi ketolom alaro nakokiŋa, erot loebei agolitomei: ketoloma agola naetereikina aibois naetiakaritai, ido naetereikina aduket kowai loka agolitomei.

²Aojau naka aduket nakejai owai loka agolitomei kerai ikubitin akwatat, ka alalauke da ikubitin akaisakany.

³Atereikina ikubitin akaisaarei luka alaro nakotoma ka atereikina etut loka alaro nakokiŋa, kejai ebalasa atereikina ebalasa ece kaiculeta auni.

⁴Ido kiŋaren kagolai ajai erot toma, alalauke ikubitin itomon; erot loka ikubitin akwatat, ketereikina ikekiakec agolitomei.

⁵Ido agolai nukokuju keraas nuewuriaka aitelekarit: naarai elikorito ibalasan apakikec, aitelekar apak naka kwa nukokwap, ka nukokidiŋ, kotoma aduket.

⁶Naarai kejaas aiculeta auni, ido kemameete ipirin kwape ipirin luka alaro: kanuka ŋun adidiŋ nakokuju aitelekarit nakokwap, ka nakokidiŋ anyoun kokwap.

⁷Arwatat nakejai kiŋa naedunyasi kagolai, atereikina alaro nakokiŋa asesena kagolai, aojauke ikubitin akaisakany.

⁸Naarai aojau naka agolai nukejaas alaro nakokiŋa kerai ikubitin akaisakany: kwa nuatereikina eyekalu keraas ikubitin akwatat.

⁹Ido kwap kagolai ŋun ajai alomaret kowai lokokide, nailomaria tomakec anyoun kalaro nakokiŋa.

¹⁰Kotoma abures naka arwatat naka alaro atereikina kide, koiŋaren kaibois naetiakaritai, koiŋaren da naka aduket, kejaas agolai.

¹¹Erot lokejai kiŋarenikec aputos bala atakanu naka erot loka agolai nuetereikina agolitomei; kwape ajaar aojaukec, ekoni nen alalaukec ido alomaretakec kere aputos kotoma asubuniokec, ka ikiriginikec.

¹²Ido kwape ikekia luka agolai nuetereikina eŋalakimak, kejai ekek kageunet naka erot, ŋes erot loajai kiŋaren karwatat, atereikina kide arai ilomari tomakec.

¹³ Kosodi katema eoŋ atiar, “Agolai nuka agolitomei ka agolai nuka eŋalakimak, nuetereikina aibois naetiakaritai, ŋun kes agolai nukalaunak, nuenyamanakinete isasedotin lueapias ka EJAKAIT iboro lukalaunak noi: nen ibwaanakinete iboro lukalaunak noi, ainakineta nuka akiria, ka ainakineta nuka adiakar, ka ainakineta da nuka aronis; naarai aibois ŋin erai nakalaunan.

¹⁴ Naelomanariata isasedotin aibois nakalaunan, mam bobo elomunete alaro nakokiŋa koroko elacara inapenekec luejaanakiniata; naarai eraas lukalaunak: aso enapenenete inapen ice tetere ikunyakinete ŋin naka ituŋa.”

¹⁵Kosodi kedau aitem etogo lokotoma, ketolom korot loka erute loeseseni kide, kitem airimor.

¹⁶Kitem ŋesi kowai lokokide kagada ŋin nakitemis, agadai akwat akany, kagada nakitemis.

¹⁷Kibelokin kitem kowai loka agolitomei, agadai akwat akany, kagada nakitemis.

¹⁸Kibelokin kitem kowai loka eŋalakimak, agadai akwat akany, kagada nakitemis.

¹⁹Kibelokin ari nakoto kitem agadai akwat akany kagada nakitemis.

²⁰ Kitem ŋesi kowaitin iwoŋon. Kejai arwatat airimor, aojau akwat akany, alalau akwat akany, aitiak nakalaunan ka naka ituŋa kere.