Read Ateso Esekiel 8 Bible Online

Esekiel 8 - Ateso bible

Esekiel 8

¹Kosodi kanen kokaru lokikanyetekape, toma olap lokikanyetekape, kapaaran nakikanyet naka elap, naeboio kotogoka, kiboiete da imakio luka Yuda kakonyeneka, kadoik eoŋ akan naka Ejakait EDEKE.

² Kasodi kasesen, ido koany, aputo naesubit bala akim; ageun kaneasubit bala aŋabeteke kiton kwap, akim: ageun da kaneasubit bala aŋabeteke kiton kuju, bala amwekimwek, bala ejese loka esabu.

³ Korio naasubit bala akan, ketiŋ ecuude; kadaku emoyo kokidiŋ kakwap ka akuj, kayaŋa Yerusalem kotoma aitapoeta nuka Edeke, mama ejai ekirigi loka erute loka alaro nakotoma loeseseni agolitomei: neajai eicoloŋ loka aput naka ekolo, naitokokoli.

⁴ Ido koany, kojai nen aibuses naka Edeke loka Isirael, kwape ajaar aitapoet naabu kaany kapuuton.

⁵Kosodi kabala ebe, “Okoku loka etuŋanan, kiteluo kwana akonikonye orot loebei agolitomei.” Kasodi keteluo akakonye orot loebei agolitomei, ido koany, kejai aput ŋin naka ekolo, neelomarere orute loka etem ari nakagolitomei.

⁶ Katema eoŋ atiar, “Okoku loka etuŋanan, iany kereka nuiswamaete? Italesia luepolok luiswamai ekek loka Isirael kane, tape ekunyari neelwana anyoun kaiboisika nakalaunan? Konye iyatakini bobo aanyun nukitalesia ace nuepolok.”

⁷Kasodi kayau okirigi loka alaro; kasodi kete, ido koany, kojai apedot arwatat.

⁸Kosodi atemar atiar, “Okoku loka etuŋanan, kobok arwatat”: ido kadau aibok arwatat, koany, kojai ekirigi.

⁹Katema atiar, “Koloma, koany italesia lukaronok luiswamaete kane.”

¹⁰Kaloma, kaany; ido koany, aponi kinomitete aputosia nuka ŋolipone loka lueliatos, ka itiaŋ luketal, ka aputosia kere nuka ekek loka Isirael, toma arwatat iwaitin kere.

¹¹ Kobwoete kakonyenekec ituŋa akaisakanykaarei komakio luka ekek loka Isirael, kobwoi Yaasania okoku loka Sapan kokidiŋikec, Kokodite ŋolituŋanan aisupuruuneteke; kopuru asakat naka lukisupurununo.

¹² Kosodi ŋesi atemar atiar, “Okoku loka etuŋanan, iany kereka nuiswamaete imakio luka ekek loka Isirael kamuton, ŋolituŋanan kagolaike nuka aputosia? Naarai ebalas ebe, ‘Mam EJAKAIT kianyuni oni; enyek EJAKAIT akwap.’ ”

¹³Katema bobo atiar, “Iyatakini bobo aanyun nukitalesia ace nuepolok nuiswamaete,”

¹⁴Kosodi kayau okek loka erute loka etogo loka EJAKAIT loitei agolitomei; ido koany, kiboiete aŋor kokuudianete Tamus.

¹⁵Katema atiar, “Iany kereka nu, ijo okoku loka etuŋanan? Iyatakini bobo aanyun nukitalesia ace nuepolok adepar ŋun.”

¹⁶ Kayau alaro nakotoma naka etogo loka EJAKAIT, ido koany, kidiŋ agola nalomaret ka etem, kejaas ituŋa kwaka akaisaarei ka lukany, lukibelokinitos asebon oyekalu loka EJAKAIT, ka ireetakec kide; komaete kesi akoloŋ kokide.

¹⁷ Kosodi katema atiar, “Iany kereka nu, ijo okoku loka etuŋanan? Erai tope akirot naepatana kokek loka Yuda kes aswam italesia lueswamata kane? Naarai elelebata akwap akaje, aiyatakin aitunyunyurikin eoŋ. Ido koany, ibwaikinete atenut okumesikec.

¹⁸ Aso ekonakini eoŋ da kadedeŋ, mam isionie akakoŋu, ido mam etimi: karaida kemonyata keporoto loepol akiika, mam apupuni kes.”