Read Ateso Kosea 14 Bible Online

Kosea 14 - Ateso bible

Kosea 14

¹ Wu jo Isirael, koboŋu mama ejai EJAKAIT Ekonideke; Naarai ibiror kanumam adolitekon.

² Koyaŋau akiro, koboŋu mama ejai EJAKAIT: Kolimok ŋes ebe, “Kolema numam adolit kere, Kocam nuejok: Kasodete isio ainakin aiturit naka aitukekosi.

³Mam Asuria kitajari sio: Mam bobo kibwaneni ibalasin: Ido mam bobo kilimokini aswam naka akaninikosi ebe, ‘Yes ikosidekesio.’ Naarai kotomakon ŋes edumuniata ikokiok aitim.”

⁴Etaŋaleuni eoŋ akecejurusianar kau, Amina kes atitai: Naarai ebelokin akanyunyura kamakec.

⁵Araun eoŋ kwape akopyo mama ejai Isirael: Ituroi kwape aapecel, Isiarakini akelias kwape Lebanon.

⁶Igananaete atenunake, Ajokisike da eputokini eseitun, Auresike kwape Lebanon.

⁷Eboŋunete ŋul luiboiete otolimike; Ikwarunete kwape akima, Ituroete kwape emusabibu: Eraun auresike kwape ebino loka Lebanon.

⁸ Wu Epuraim, anyoika eoŋ kaputosia? Aboŋokini eoŋ, aseseni da ŋes: Arai eoŋ kwape eberos loepalal; Kamakaŋ ŋes idumununia araitokon.

⁹ Ŋin yenikacoa, kinoosikini ŋun, Yenicobe da kojenu kes, Naarai itenara irotin luka EJAKAIT, Itorenenete da ikadolitok tomakec; Konye iguikinete luepaarete.