Read Ateso Kosea 4 Bible Online

Kosea 4 - Ateso bible

Kosea 4

¹ Kiirasi akirot naka EJAKAIT, yes idwe luka Isirael, Naarai ejai EJAKAIT aŋolopa kaluiboiete kakwap, Naarai emamei abeit, karaida aitim, Karaida ajenun Edeke kakwap.

²Emamei ibore dimarai aiyapo, ka aiŋal, ka aibil ebotet, ka aiar, ka akoko, ka adoteu; Ebelaros, aokot da edolokinete aokot.

³ Kanuka ŋun ibworo akwap, Ekalanyana ŋinituŋanan yeniboie kotoma, Nenipe kitiaŋ luka ais ka akweny nuka apak; Eebo, elemario da iboro lukecor.

⁴ Konye kinyek ituŋanan epeget, Karaida ituŋanan aitoron; Naarai eraas ikonituŋa kwape luitepegete esasedoti.

⁵ Kiguikini ijo paaran, Iguikini da enabi nepepe kajo kuare; Amudiari da totokon.

⁶Emudiaros ikatuŋa kanu amamus aijen: Naarai ibu koŋer aijen, eoŋ da kaŋeri jo, Mam iraun esasedoti mamakaŋ; Naarai kimurwokis ikisila luka Edekekon, Eoŋ da kemurwokinete ikonidwe.

⁷Kwape epuarotor, kwape kwaŋin adiakanariata kamakaŋ: Elocokini eoŋ da aibusesukec araun ileic.

⁸Enyamenenete aronis naka ikatuŋa, Iraŋaete numam adolitekec.

⁹Aso eriakanara ituŋa ka esasedoti: Eticani kes kanuka iponesiokec, Aropi kes kanuka aswamisiokec.

¹⁰ Enyamete, konye mam imonikinos; Edotearos komam ipuaros: Naarai enyekis aibwaikin etau mama ejai EJAKAIT.

¹¹ Adoteu ka ajon ka ajon nukitetiak, Kes elemarete ajenun.

¹² Iŋisete ikatuŋa atorominikec, Ebelakec da elimokini kes: Naarai etapaa kes emoyo loka adoteu, Aloto eporo anyoun kama ejai Edekekec.

¹³ Einanakinete asuban kaidiasia nuka iroŋan, Isupuruununete lukisupurununo koukon, Kwap kiluan, ka isiepen ka ipeduro, Naarai ejok itolimonokec. Kanuka ŋun eelos akusipesur, Edote aterakakus.

¹⁴Mam eticani akusipesur eelos, Karaida aterakakus edote: Naarai apaasi kesi ikulepek kanudotea, Einakinete asuban nepepe kakerimok: Ibirorio ituŋa lumam ejenere.

¹⁵ Karaida iporo ijo Isirael, Kinyek Yuda agwaun akirot; Sirikiloto Giligal, Karaida alosit Bet-aben, Karaida aiyapo ebe, “Kwape ejaria EJAKAIT.”

¹⁶Naarai eninik Isirael, Kwape ataok naeninik: Aso itadaki tope EJAKAIT kes Kwape imerekek kaibois naelal?

¹⁷ Imorikikina Epuraim kaputosia, Kinyek ŋes.

¹⁸Edwarak amatanakec: Iporoonoros tiritir: Eminasi noi ikapolokoke ileic.

¹⁹Ekutari ŋes ekwam kabebenokake; Irumete ileic kanuka asuba