Read Ateso Kosea 5 Bible Online

Kosea 5 - Ateso bible

Kosea 5

¹Kiirasi na, yes isasedotin, Kopupokis yesi lukokek loka Isirael, Kitoik akit, ijo ekek loka ekabaka, Naarai etube ŋes lokus; Naarai iraas yesi eic koMisipa, Ka eboi loepesikinitai Tabor.

²Etudulosi aipany naka Sitim; Konye etoroni eoŋ kes kere.

³ Ajeni eoŋ Epuraim, Isirael da mam eŋopi kamakaŋ: Naarai kwana, ijo Epuraim, iporoi, Amunaun Isirael.

⁴Mam aswamisiokec ecamakinete kes Aibelokin mama ejai Edekekec: Naarai ejai emoyo loka eporo kotomakec, Mam ejenete EJAKAIT.

⁵Itejenuni aiturokin naka Isirael kakonyeneke: Kanuka ŋun iguikinete Isirael ka Epuraim toma numam adolitekec; Iguikini Yuda da kakes.

⁶Elosete nepepe kisipaninikec luka amerekekin ka aituk amoot EJAKAIT: Konye mam edumunete ŋes; ajal kes.

⁷ Eswamakis EJAKAIT nukaibil ebotet; Naarai aurut idwe lumo, Kwana emudiari elap lokelamunan kes ka imanikoriakec.

⁸ Kokuta apeen koGibea, ka arupepen koRama: Kokuta nuka elulu koBet-aben: Kokaukon, ijo Benyamin.

⁹Eraun Epuraim etisilio kapaaran naka aitoronio: Abu ketejen atekerin nuka Isirael nuekotosi cut ajakut.

¹⁰ Esubito ikapolok luka Yuda bala ŋul luisukunyikinete eikor: Abukokini kes akanyunyura kwape akipi.

¹¹ Eroikinio Epuraim, idecidecio kotube: Naarai itojokit atupar aamameak.

¹²Ŋes konyet araunor kwape ekajekelet mama erai Epuraim. Ido kwape aibos mama ejai ekek loka Yuda.

¹³Nakeanyunia Epuraim adekake, ka Yuda da amusuŋutuke, Kosodi Epuraim alosit Asuria, Kijuka mama ejai ekabaka Yareb: Konye mam ŋes epedori aitaŋaleun jo, Mam epedori aitaŋaleun amusuŋutukon.

¹⁴Naarai araun eoŋ kwape eŋatuny mama ejai Epuraim, Kwape iŋatuny da mama ejai ekek loka Isirael: Eoŋ, eoŋ obe, apoopooi, kasodi alosit; Aŋatari, emameun da yeneyuuni.

¹⁵Alosi aboŋori aiboisika, Aitodol naelimoriata aidiakakec, emoete akakonyen: Edunyakinete amoot eoŋ kaiticanitoikec.