Read Ateso Kosea 8 Bible Online

Kosea 8 - Ateso bible

Kosea 8

¹ Kibwaik arupepe aitukukon. Ebuni kwape emorukaalet asurokin etogo loka EJAKAIT: Naarai ebucasi aitutuketeka, Adiakasi da ikakisila.

² Kamonyete eoŋ ebe, Ekadeke, isio Isirael kijeni jo.

³Acaka Isirael ŋin naejok: Erukio lokasurup ŋes.

⁴ Apotu kodakakis ikabakan, konye mere kanukaŋ; Aseut ikapolok, komam eoŋ ajeni: Eswamaut aputosia nuka epuesakec ka esabukec, Tetere egelario.

⁵ Acaka ŋesi itaokokon, ijo Samaria; Enepu akanyunyura aluikin kes: Iwori bo edolokinioto aseganut?

⁶Naarai ebuni ŋin da koIsirael. Ekeswaman ŋes asubi, mam ŋin erai Edeke: Eebo, ebilibilun itaok yenika Samaria.

⁷Naarai eyeete ekwam, esakete ca etapipirio: Emameete ŋes akima karaida atinoi; Mam ekokuunete aluŋuren; Konye karaida ekokuunete, Ilikorete do imo.

⁸Elikor Isirael: Ejaas kwana kotoma atekerin Kwape ibore yenimam isiyalamikinit.

⁹ Naarai aloto Asuria kwape atuko naelosi abonipe: Eropi Epuraim ipaelon.

¹⁰ Eebo, karaida eropete ikegaŋak kotoma atekerin, Kwana atukonokini eoŋ kes; Tetere epalarete nediokasilon Kainyonyoikin ekabaka ka ikapolok akinyet.

¹¹Naarai asub Epuraim itemwan luipu adiakia, Eraas mamake itemwan luka aidiak.

¹² Karaida kewadikaki ŋes ikakisila ilukumin itomon, Imarakinitai araut lukimo.

¹³Eminasi asuban; Einakinete asuban nuka akiriŋ, enyamete da; Konye mam EJAKAIT ecamuni kes: Iituni kwana numam adolitekec, Iticani kanuka aronisiokec; Eboŋorete kesi Misiri.

¹⁴ Naarai emurwok Isirael Ekasubanike, Abu koduk itogoi lukapolou; Eyatak Yuda ireria luebwaitai: Konye ejukakini eoŋ akim oreriake, Idopori itogoi luegogoŋ.