Read Ateso Amos 1 Bible Online

Amos 1 - Ateso bible

Amos 1

¹ Akiro nuka Amos lokerai ediopet kokecokok luka Tekoa, nuabu ŋesi koany nuka Isirael kapaarasia nuka Usia ekabaka loka Yuda, kapaarasia da nuka Yeroboam okoku loka Yoas, ekabaka loka Isirael, ikar iarei eriŋa kedolo amaran naka akwap.

² Kotema atiar: “Egatuni EJAKAIT koSion, Elimuni ekeporoto koYerusalem; Ibworos ironyia luka ikecokok, Erinyori aidi naka Karumel.”

³ Ebala EJAKAIT kwanata ebe: “Kanuka aibucareta auni nuka Damasiko, Eebo, kanuka aoŋon, mam ejulakini aiticanioke; Naarai apotu kieomata Gilead Kiboro lukicomis luka asua.

⁴Konye ejukakini akim togo loka Kasael, Idopori itogoi lukapolou luka Ben-kadad.”

⁵ Ebala EJAKAIT ebe, “Abili eoŋ atiket naka Damasiko, Agelari luiboiete kaditot naka Aben, Ka ŋol da loitiŋit ebela loka ajakanut kotogo loka Eden: Ijoreorio ituŋa luka Suria kiton Kir.”

⁶ Ebala EJAKAIT kwanata ebe: “Kanuka aibucareta auni nuka Gasa, Eebo, kanuka aoŋon, mam ejulakini aiticanioke; Naarai ejoreosi ituŋa kere, Aijaikin kes Edom.

⁷ Konye ejukakini akim arwatat naka Gasa, Idopori itogoike lukapolou.”

⁸Ebala EJAKAIT Edeke ebe, “Agelari luiboiete koAsudod, Ka ŋol da loitiŋit ebela loka ajakanut koAsukelon; Ebelokini akanika asurokin Ekuron, Eoliori aatoŋot naka Ipilisitian.”

⁹ Ebala EJAKAIT kwanata ebe: “Kanuka aibucareta auni nuka Turo, Eebo, kanuka aoŋon, mam ejulakini aiticanioke: Naarai apotu kijaikis Edom ituŋa kere, Mam apotu kiitutu aitutuket naka einacane.

¹⁰Konye ejukakini akim arwatat naka Turo, Idopori itogoike lukapolou.”

¹¹ Ebala EJAKAIT kwanata ebe: “Kanuka aibucareta auni nuka Edom, Eebo, kanuka aoŋon, mam ejulakini aiticanioke; Naarai abu korukitor onaceke kekileŋ, Kocaka aitim kere, Koresianar akeisiop tiritir, Koric akenyunyura ikar kere.

¹²Konye ejukakini eoŋ Teman akim, Idopori itogoi lukapolou luka Bosura.”

¹³ Ebala EJAKAIT kwanata ebe: “Kanuka aibucareta auni nuka idwe luka Amon, Eebo, kanuka aoŋon, mam ejulakini aiticanioke; Naarai apotu koŋerereata aŋor nuepotiete nuka Gilead, Tetere italalaete eikorukec.

¹⁴ Konye enokokini akim arwatat naka Raba, Idopori itogoike lukapolou, Kecelet kapaaran naka ejie, Ka ekwam da kapaaran naka etapipirio.”

¹⁵ Ebala EJAKAIT ebe, “Elosi ekabakakec aijoreorio, ŋes nepepe ka ikapolokoke kere.”