Read Ateso Yona 4 Bible Online

Yona 4 - Ateso bible

Yona 4

¹ Konye kitakadikis ŋun Yona noi, konyunyurikin.

² Kilip EJAKAIT, kotema atiar, “Keŋaiŋait, wu EJAKAIT, mere nuabala eoŋ nu, naarokor ajai bukosi? Kanuka ŋun abu kesunya akerit Tarusis; naarai abu kajeni ebe irai ijo Edeke loisiana, ileleba aisioni, iyapi anyunyurikin, ebarar aitimikon, iituni kinyek aronis.

³ Aso do, wu EJAKAIT, keŋaiŋait kolema aijaraka kamakaŋ; naarai ejok eoŋ atwanare itia aijar.”

⁴Kotema EJAKAIT atiar, “Isubit kereka ijo ejok anyunyurikin?”

⁵Kosodi Yona alomar kiŋa naka ere, kiboikin ari nakokide naka ere, kidukur iswam. Kiboikin otolimike, aanyun nuedoikinete ere.

⁶Kitemok EJAKAIT Edeke ekakale, kitopolou ŋes kaneejai Yona, tetere eyaun etolim akouke, ayuun ŋes kationisike. Kiyalamikin Yona noi kanuka ekakale.

⁷Konye kitemok Edeke ekurut tupuruc apaaran naatupakini, konyam ekakale, korinyo.

⁸ Kosodi kelom akoloŋ, kitemok Edeke ekwam lokokide loemwana; konomo akoloŋ akou naka Yona, kiilor; kilip atwanare, kobala ebe, “Ejok eoŋ atwanare itia aijar.”

⁹Kotema Edeke Yona atiar, “Isubit kereka ijo ejok anyunyura kanuka ekakale?” Kotema atiar, “Asubit ejok anyunyura kiton atwanare da.”

¹⁰Kotema EJAKAIT atiar, “Itimi ijo ekakale, lomam jo ibu kitaaritor, karaida aitopoloun; loalomuni akuare adiopet, loarinyori da akuar: adiopet.

¹¹ Mam ti eoŋ ebusakinit aitim Ninebe, ere ŋol loepol; loejaas ituŋa luedeparito ilukumin akwatat ka ilukumin akaisaarei lumam epedorete atiak akecekan nakoteten ka akecekan nakokediany; ka ibaren da luipu?”