Read Ateso Aimario 15 Bible Online

Aimario 15 - Ateso bible

Aimario 15

¹Kotema EJAKAIT Musa atiar,

² “Kolimok idwe luka Isirael ebe, Naidolioto akwap naiboikinos, nakainakini yes.

³ Kosodete ainakin EJAKAIT ainakinet kakim, ainakinet naicweio, arai asubanit, aitodolio aiyaposit, arai ainakinet naka akote, arai kopucinokus luicorakinitai, aisuŋuuno EJAKAIT asakat naeur saa, kaituk arai kamerekekin:

⁴ Loeinakini akeinakinet einakini EJAKAIT ainakinet naka akiria naka idiopet kotomon yenika epa [14] loka akiria nuidicic nuinyalakinitai ka idiopet kooŋon yenika ekin [15] loka akinyet:

⁵ Ka ebino kanuka ainakinet namatat, idiopet kooŋon yenika ekin, itemonokinete nepepe kainakinet naicweio arai kanuka asubanit kanuka ŋinimerekek yenididi.

⁶Arai kanuka emerekek, itemonokini kanuka ainakinet naka akiria iarei kotomon luka epa loka akiria nuidicic nuinyalakinitai idiopet kouni yenika ekin loka akinyet:

⁷Kanuka ainakinet namatat da iinakini idiopet kouni yenika ekin loka ebino, loka asakat naeur saa mama ejai EJAKAIT.

⁸ Naitemokinio emoŋ lotobait kanuka ainakinet naicweio, arai kanuka asubanit, aitodolio aiyaposit, arai kanuka ainakineta nuka ainapakin mama ejai EJAKAIT:

⁹Ŋes einakinia ainakinet naka akiria nepepe kemon lotobait naka iuni kotomon luka epa loka akiria nuidicic nuinyalakinitai katutubet naka ekin loka akinyet.

¹⁰Iinakini kanuka ainakinet namatat atutubet naka ekin loka ebino, kanuka ainakinet naeinakinere kakim, naka asakat naeur saa mama ejai EJAKAIT.

¹¹“Iswamaenenoo kwaŋin kanuka ŋolimoŋ lotobait, ido kanuka nolimerekek, kanuka ŋinimerekek yenikiliokit, arai kanuka ŋinikalol da.

¹²Kwape ejaar etiai loitemokinete, iswamakinete kwaŋin ŋinidiopet, kwape ejaar etiaiakec.

¹³Iurian kere iswamaete akiro ŋun kopone kaŋol, naeinakiniata ainakinet naeinakinere kakim, naka asakat naeur saa mama ejai EJAKAIT.

¹⁴Arai kiboikin imoit nepepe kayes, arai ice kere yenejaun kidiŋikus katuriokus kere, kosodi ainakin ainakinet naeinakinere kakim, naka asakat naeur saa mama ejai EJAKAIT; kwape iswamaata yesi, iswamai ŋesi da kwaŋin.

¹⁵ Kanuka atukot, ejaun ekisil ediopet kanukus, ido kanuka imoit yeniboienenei nepepe kayes, ekisil lomam edaun katuriokus kere: kwape ijaatar yesi, ejaun kwaŋin imoit kakonyen nuka EJAKAIT.

¹⁶ Ejaun ekisil ediopet ka aicorakinet adiopet kanukus, ido kanuka imoit yeniboienenei kayes.”

¹⁷Kotema EJAKAIT Musa atiar,

¹⁸“Kolimok idwe luka Isirael ebe, Naidolioto akwap naketolomari yes.

¹⁹ Ejaun kwana, ebe, nainyamiata atap naka akwap, iinakinete ainakinet nadakakina mama ejai EJAKAIT.

²⁰ Iinanakinete aluŋuret naka agweikus nainumanariata yesi kanuka ainakinet nadakakina: kwape idakuniata ainakinet nadakakina naka epejal, idakunete ŋin da kwaŋin.

²¹Iinanakinete EJAKAIT aluŋuret naka agweikus nainumanariata araun ainakinet nadakakina katuriokus kere.

²² “Ido naipaariata, komam iricito aicorakineta ŋun kere, nualimoki EJAKAIT Musa.

²³Ŋun kere nukicorak yes EJAKAIT kama ka Musa, ameun kapaaran naesiaunia EJAKAIT aicorakin, anatar aturiokus kere;

²⁴ Ejaun kwana, arai kibucasi, komam ekodet ejeni, einakini ekodet kere emoŋ lotobait kanuka ainakinet naicweio, naka asakat naeur saa mama ejai EJAKAIT, nepepe kainakineteke naka akiria, ka ainakineteke namatat, kwape ejaar ekisil, ka ekoroi ediopet kanuka ainakinet naka adiakaret.

²⁵ Eluci esasedoti ekodet kere loka idwe luka Isirael, isionio da kes; naarai arai aibucaret, ayaut da ainakinetekec, ainakinet naeinakinere kakim mama ejai EJAKAIT, ka ainakinetekec naka adiakaret kakonyen nuka EJAKAIT, kanuka aibucaretekec:

²⁶Isionio ekodet kere loka idwe luka Isirael, ka imoit da yeniboienenei kamakec; naarai arai aibucaret naka ituŋa kere komam ejenete.

²⁷ “Ido arai kediaka idiopetuŋanan komam ejeni, einakini akinei naka ekaru ediopet araun ainakinet naka adiakaret.

²⁸ Eluci esasedoti aijar naibuearit, naediakaria komam ejeni, kakonyen nuka EJAKAIT, alucio ŋes; ido isionio ŋes.

²⁹Ijaunos kekisil ediopet kanuka ŋin yeniswamai ibore komam ejeni, ŋin yeneurikinitai odwe luka Isirael, ido ka imoit yeniboienenei kamakec.

³⁰ Konye aijar naepeleikin aswam ibore, arai iuriat arai imoit, einyanakini ŋin EJAKAIT; egelario ituŋanan ŋin kotuŋake.

³¹ Naarai amwaŋ akirot naka EJAKAIT, abil da aicorakineteke; egelario ituŋanan ŋin cut, ejaunos numam adoliteke mamake.”

³² Naajaatar idwe luka Isirael amodiŋ apotu kodumut etuŋanan erarai akito kapaaran nakasabato.

³³Koyaut luadumunete ŋes erarai akito mama ejai Musa ka Aaron ido mama ejai ekodet kere.

³⁴ Koenai, naarai mam ber alimoritai nuiswamakinio ŋes.

³⁵ Kotema EJAKAIT Musa atiar, “Abeit eario etuŋanan: ibiribiri ekodet kere ŋes kamor kokiŋa kiidukurun.”

³⁶Koyau ekodet kere ŋes kiŋa kiidukurun, kibiribiroto ŋes kamor, kotwana; kwape kicorakinia EJAKAIT Musa.

³⁷Kotema EJAKAIT Musa atiar,

³⁸ “Kolimok idwe luka Isirael, kicorak kes aiswamakin isilo atokito nuka inapenekec, anatar aturiokec kere, kitolomikis eusi lobululu osilo luka niuitokiroit:

³⁹ Eraun kamakus esilot, tetere iteete ŋes, kiitununoto aicorakineta kere nuka EJAKAIT, kiswamata kes; komam ilosete koipud loka etaukus ka akonyenekus loetapitor yes aelor:

⁴⁰ Tetere iitunete iswamaete da akaicorakineta kere, koraunos lukalaunak kama ejai Edekekus.

⁴¹Arai eoŋ EJAKAIT Ekusideke, loketolomuni yes kakwap nako Misiri, araun Edekekus: arai eoŋ EJAKAIT Ekusideke.”