Read Ateso Aimario 24 Bible Online

Aimario 24 - Ateso bible

Aimario 24

¹ Keanyu Balaam ebe etoiokit EJAKAIT aisirereŋ Isirael, mam abu kolot, kwape sek, airiamun kaieudeta, konye kiteteo akekonyen amodiŋ.

²Kiteluo Balaam akekonyen, koany Isirael iboiete kwape ajaatar atekerinikec; kobunok ŋes emoyo loka EJAKAIT.

³ Kiner akewaraga ebe, “Inera Balaam okoku loka Beor, Inera da etuŋanan loetumudakitai akekonye.

⁴ Inera loepupi akiro nuka Edeke, Loeanyuni etapo loka Lokapedor kere, Ibirun, kokwenyete akekonye, ebe.

⁵Ejokuka ca ma iwemanakon, wu Yakob, Iwemanakon lukalaunak, wu Isirael!

⁶ Elalak bala aditono, Kwape kamanan nuka ariri naka ecor, Kwape iluan luera EJAKAIT, Kwape iresia kariri naka akipi.

⁷ Eleleete akip kamotike, Ejaununos ikinyomoke toma akipi nuipu, Eojaar ekekabaka adepar Agag, Itopoloorio da akejakanut.

⁸Kitolom ŋes Edeke koMisiri; Ejaas kagogoŋ kwape naka ekosobwan: Enyami atekerin nuka lukasurupoke, Emunyumunyei akecekojo. Icumi kes kimaliake.

⁹ Abu kodipidipakin, koper bala eŋatuny, Bala aŋatuny; iŋai itonyouni ŋes? Isirereŋio yenikilipakini jo arereŋ, Ilamakinio yenikilamakini jo.”

¹⁰Kinep anyunyura naka Balak aluikin Balaam, kibapak akekanin: kolimok Balak Balaam atiar, “Abu kanyarau jo aikenokin lukasurupoka, ido koany, ilipak kes arereŋ cut irwan nu auni.

¹¹Aso do, koker aiboisikon: enerunit aitopoloor jo koraun lokaibuses; konye koany, kitikok EJAKAIT jo adumun aibuses.”

¹²Kotema Balaam Balak atiar, “Mam eoŋ abu kalimok ikonikiyakia da luibu kijukak ebe,

¹³‘Karaida kainaki Balak eketogo ileleba epuesa ka esabu, mam apedori adepar akirot naka EJAKAIT, aswam nuejok arai nueroko nuaomit eoŋ eloper; nupeinera EJAKAIT, ŋupeŋun eneri eoŋ da’?

¹⁴Koany, alosi kwana mama ejaas ituŋaka: bia, kalimok jo nuepote ituŋa ŋul aiswamakin ikonituŋa kapaarasia nukakonyen.”

¹⁵Kiner akewaraga ebe, “Inera Balaam okoku loka Beor ebe, Inera da etuŋanan loetumudakitai akekonye:

¹⁶Inera loepupi akiro nuka Edeke, Loejeni da aijen naka Loejai kuju kakuj; Loeanyuni etapo loka Lokapedor kere, Ibirun, kokwenyete akekonye, ebe:

¹⁷ Etei ŋes, konye mere kwana: Aseseni ŋes, konye mere kodie: Elomuni aacerit kotoma Yakob, Ikeuni ebela loka ajakanut koIsirael, Iposi agorieik nuka Moab apedor, Ebili da odwe kere luka eŋuŋet.

¹⁸ Eraun Edom nake, Ka Seir da eraun nake, luaraas lukasurupoke; Kiswamai Isirael nukagogoŋ.

¹⁹Kotoma Yakob ŋes elomunia ekayaiton, Emudiari da luideuna kore.”

²⁰Kite Amalek, kiner akewaraga ebe, “Kerai Amalek nasodit naka atekerin; Konye esaŋeke lokakonyen emudiario.”

²¹Kite da Ekenit, kiner akewaraga ebe, “Erai aibois naiboionono ijo naegogoŋ, Ecinakina akaikon atiiba.

²²Kwabo icweio Kain Aitodol nakinataria Asur jo.”

²³Kiner akewaraga ebe, “Wu okwe, iŋai ejari naiswamaa Edeke ŋun?

²⁴ Konye epote imeerin kariri naka Kitim, Epote aitican Asur, ka aitican da Eber, Ŋes da emudiario.”

²⁵Konyou Balaam, koloto koboŋo aiboisike: kolot Balak da.