Read Ateso Aimario 25 Bible Online

Aimario 25 - Ateso bible

Aimario 25

¹ Kiboikin Isirael Sitim, kogeut ituŋa aelo kapesur nuka Moab:

² Naarai apotu kiworosi ituŋa asuban nuka idekesiokec, konyamata innja, kokukonokinos idekesiokec.

³ Kimorikikin Isirael ka Baal-peor: kinep anyunyura naka EJAKAIT aluikin Isirael.

⁴ Kobala EJAKAIT Musa ebe, “Koyaŋa ijaka kere luka ituŋa, komiedak kes EJAKAIT kakoloŋ, tetere ibelokin anyunyura naededeŋ naka EJAKAIT anyoun koIsirael.”

⁵ Kotema Musa ikatubok luka Isirael atiar, “Koarata yesi ŋinituŋanan iketuŋa luemorikikinos ka Baal-peor.”

⁶ Ido koany, kobu ediopet kodwe luka Isirael koyau mama ajaas iinacanake aberu naMidianit kakonyen nuka Musa, ido kakonyen nuka ekodet kere loka idwe luka Isirael, emonyete kesi kokek loka ewema loka airiamunun.

⁷ Nakeanyunia Pinekas, okoku loka Eleasar, okoku loka Aaron esasedoti, konyou kokidiŋ kekodet, kitiŋ akwara kakanike:

⁸Kotupak etuŋanan ŋol loka Isirael owema, kicum kes iarei kere aipelor, etuŋanan loka Isirael, ka aberu da akoikike. Kwaŋin kitanaŋai atular kodwe luka Isirael.

⁹ Ŋul da luapotu korwaka kanuka atular emwaasi ilukumin akaisaarei ka luoŋon.

¹⁰Kotema EJAKAIT Musa atiar,

¹¹ “Ebeloki Pinekas, okoku loka Eleasar, okoku loka Aaron esasedoti, akanyunyura anyoun kodwe luka Isirael, naarai ekokotiki kes kekakokote, kenye amudiar idwe luka Isirael kokokoteka.

¹² Kanuka ŋun kolimok ebe, ‘Koany, ainakini ŋes aitutuketeka naka ainapakin:

¹³ Ejaun mamake, ido mama ejai aurike naetupakini ŋes, aitutuket naka esasedotene lomam enaŋi; naarai abu kikokotik kanuka Ekedeke, koluc da idwe luka Isirael.’ ”

¹⁴Ekiror da loka etuŋanan loka Isiraelloaario, loaario kaberu naMidianit, ŋes Simiri, okoku loka Salu, ekapolon loka ekal loka lukapapaakec luka Isimeonin.

¹⁵Ekiror da loka aberu naMidianit naario, ŋes Kosibi, akoku naka Sur; arai ŋesi ekapolon loka ituŋa luka ekal loka lukapapaakec kotoma Midian.

¹⁶Kotema EJAKAIT Musa atiar,

¹⁷“Kitiji Imidianin kodany kes:

¹⁸Naarai kitiiiete yes kiboteikec, lukijodooriata yes kotoma akiro nuka Peor, ka akiro nuka Kosibi akoku naka ekapolon loka Midian, kinacikec, naaario kapaaran naka atular kakiro nuka Peor.”