Read Ateso Aimario 26 Bible Online

Aimario 26 - Ateso bible

Aimario 26

¹ Kosodi akaulo katular kotema EJAKAIT Musa ka Eleasar okoku loka Aaron esasedoti, atiar,

² “Kimar etiai loka ekodet kere loka idwe luka Isirael, ageun kaluka ikar akaisaarei ka luedeparito, kwape ejaatar ikalia luka lukapapaakec, kere luepedorete alosit ojie koIsirael.”

³ Kinerata Musa ka Eleasar esasedoti kakes kapuuton naka Moab kariri naka Yorodan ko Yeriko, ebe,

⁴“Kimarata etiai loka ituŋa, ageun kaluka ikar akaisaarei ka luedeparito”; kwape kicorakinia EJAKAIT Musa ka idwe luka Isirael luanyounete kakwap nako Misiri.

⁵ Reuben, ekiyai loka Isirael: odwe luka Reuben: Kanok, ekek loka Ikanokin: Palu, ekek loka Ipaluin:

⁶Kesuron, ekek loka Ikesuronin: Karami, ekek loka Ikaramin.

⁷Ŋul kes ikekia luka Ireubenin: ŋul luaponi kimarai kakesi emwaasi ilukumin akaisaoŋon ka luuni, ka akwat akanykaarei ka akaisauni.

⁸Odwe luka Palu; Eliab.

⁹ Odwe luka Eliab; Nemuel, ka Datan, ka Abiram. Ŋupeŋul kes Datan ka Abiram, luanyaraunio kokodety luetepegete Musa ka Aaron nepepe ka Kora, naetepegeata EJAKAIT:

¹⁰ Kooŋa akwap akeituk, kiliko kes nepepe ka Kora, naketwania erioŋet ŋol; kapak naanyamia akim ituŋa akwat aarei ka akaisakany, koraut aanyunet.

¹¹ Konye mam odwe luka Kora anotu kotwaka.

¹² Odwe luka Simeon kwape ajaatar ikekiakec: Nemuel, ekek loka Inemuelin; Yamin, ekek loka Iyaminin; Yakin, ekek loka Iyakinin:

¹³ Sera, ekek loka Iserakin: Saul, ekek loka Isaulin.

¹⁴Ŋul kes ikekia luka Isimeonin, ilukumin akaisaarei ka luarei, ka akwat aarei.

¹⁵Odwe luka Gad kwape ajaatar ikekiakec: Sepon, ekek loka Iseponin: Kagi, ekek loka Ikagin; Suni, ekek loka Isunin:

¹⁶Osuni, ekek loka Ikosunin: Eri, ekek loka Ierin:

¹⁷ Arod, ekek loka Irodain: Areli, ekek loka Irelain:

¹⁸Ŋul kes ikekia luka odwe luka Gad kwape ajaatar ŋul luaponi kimarai kakesi, ilukumin akaisaoŋon ka akwat akany.

¹⁹ Odwe luka Yuda, Er ka Onan: kotwakikis Er ka Onan akwap naka Kanaan.

²⁰ Odwe luka Yuda kwape ajaatar ikekiakec; Sela, ekek loka Iselanin: Peres, ekek loka Iperesin: Sera, ekek loka Iserakin.

²¹Odwe luka Peres, Kesuron, ekek loka Ikesuronin: Kamul, ekek loka Ikamulin.

²²Ŋul kes ikekia luka Yuda kwape ajaatar ŋul luaponi kimarai kakesi, ilukumin akaisakanykaarei ka lukanykape ka akwat akany.

²³ Odwe luka Isakar kwape ajaatar ikekiakec: Tola, ekek loka Itolain: Puba, ekek loka Ipubain:

²⁴Yasub, ekek loka Iyasubin: Simuron, ekek loka Isimuronin.

²⁵Ŋul kes ikekia luka Isakar kwape ajaatar luaponi kimarai kakesi, ilukumin akaisakanykape ka luoŋon ka akwat auni.

²⁶ Odwe luka Sebulun kwape ajaatar ikekiakec: Sered, ekek loka Iseredin; Elon, ekek loka Ielonin: Yaleel, ekek loka Iyaleelin.

²⁷Ŋul kes ikekia luka Isebulunin kwape ajaatar ŋul luaponi kimarai kakesi, ilukumin akaisakanykape ka akwat akany.

²⁸ Odwe luka Yosep kwape ajaatar ikekiakec: Manase ka Epuraim.

²⁹ Odwe luka Manase: Makir, ekek loka Imakirin: kouru Makir Gilead: Gilead, ekek loka Igileadin.

³⁰ Lu kes odwe luka Gilead: Ieser, ekek loka Ieserin; Kelek, ekek loka Ikelekin:

³¹Ka Asuriel, ekek loka Isurielain: ka Sekem, ekek loka Isekemin:

³²Ka Semida, ekek loka Isemidain; ka Keper, ekek loka Ikeperin.

³³ Ka Selopekad okoku loka Keper amameete idwe lusap, dimarai apesur: ikiroria luka apesur nuka Selopekad kes Mala, ka Noa, ka Kogila, ka Milika, ka Tirusa.

³⁴Ŋul kes ikekia luka Manase: ŋul luaponi kimarai kakesi emwaasi ilukumin akaisakany ka luarei ka akwat akanykaarei.

³⁵ Lu kes odwe luka Epuraim kwape ajaatar ikekiakec: Sutela, ekek loka Isutelakin: Beker, ekek loka Ibekerin: Takan, ekek loka Itakanin.

³⁶Lu kes odwe luka Sutela: Eran, ekek loka Ieranin.

³⁷ Ŋul kes ikekia luka odwe luka Epuraim kwape ajaatar ŋul luaponi kimarai kakesi, ilukumin akaisauni ka luarei ka akwat akany, Ŋul kes odwe luka Yosep kwape ajaatar ikekiakec.

³⁸ Odwe luka Benyamin kwape ajaatar ikekiakec: Bela, ekek loka Ibelain; Asubel, ekek loka Isubelain: Akiram, ekek loka Ikiramain:

³⁹ Sepupam, ekek loka Isupamin: Kupam, ekek loka Ikupamin.

⁴⁰ Odwe luka Bela kes Arid ka Naaman, Arid ekek loka Iridain; Naaman, ekek loka Inaamanin.

⁴¹Ŋul kes odwe luka Benyamin kwape ajaatar ikekiakec: ŋul luaponi kimaraikakesi emwaasi ilukumin akaisaoŋon ka lukany ka akwat akanykape.

⁴² Lu kes odwe luka Dan kwape ajaatar ikekiakec: Sukam, ekek loka Isukamin. Ŋul kes ikekia luka Dan kwape ajaatar ikekiakec.

⁴³Ikekia kere luka Isukamin, kwape ajaatar ŋul luaponi kimarai kakesi emwaasi ilukumin akaisakanykape ka luoŋon ka akwat aoŋon.

⁴⁴ Odwe luka Aser kwape ajaatar ikekiakec: Imuna, ekek loka Imunamin: Isibi, ekek loka Isibin: Beria, ekek loka Iberian.

⁴⁵Odwe luka Beria: Keber, ekek loka Ikeberin: Malakiel, ekek loka Imalakielin.

⁴⁶Ekiror da loka akoku naka Aser ŋes Sera.

⁴⁷Ŋul kes ikekia luka odwe luka Aser kwape ajaatar luaponi kimarai kakesi, ilukumin akaisakany ka luuni ka akwat aoŋon.

⁴⁸ Odwe luka Naputali kwape ajaatar ikekiakec: Yakuseel, ekek loka Iyakuseelin: Guni, ekek loka Igunin:

⁴⁹ Yeser, ekek loka Iyeserin: Silem, ekek loka Isilemin.

⁵⁰Ŋul kes ikekia luka Naputali kwape ajaatar ikekiakec: ŋul luaponi kimarai kakesi emwaasi ilukumin akaisaoŋon ka lukany ka akwat aoŋon.

⁵¹ Ŋul kes luaponi kimarai kodwe luka Isirael, ilukumin akwat akanykape ka lodiopet ka akwat akanykaarei ka akaisauni (601,730).

⁵² Kotema EJAKAIT Musa atiar,

⁵³“Mama ejaas ŋul ŋes ekorakinio akwap araun airumet kwape ejaar etiai loka ikiroria.

⁵⁴ Mama ejaas luipu iinakini airumet naepol, mama ejaas luikidioko iinakini airumet naedir: mama ejai ŋinidiopet kwape ejaatar ŋul luaponi kimarai kaluke einakinio airumeteke.

⁵⁵ Konye ekorokoro akwap kailamilam eroet: irumete kwape ejaatar ikiroria luka atekerin nuka lukapapaakec.

⁵⁶Kwape ejaunor eroet ŋes ekorakinere airumetekec mama ejaas luipu ka luikidioko.”

⁵⁷ Lu kes luaponi kimarai luka Ilebin kwape ajaatar ikekiakec: Gereson, ekek loka Igeresonin: Kokat, ekek loka Ikokatin: Merari, ekek loka Imerarin.

⁵⁸Lu kes ikekia luka Ilebin: ekek loka Ilibunin, ekek loka Ikeburonin, ekek loka Imalin, ekek loka Imusin, ekek loka Ikorakin. Kouru Kokat Amuram.

⁵⁹Ekiror da loka aberu naka Amuram ŋes Yokebed, akoku naka Lebi, naaurie Lebi kotoma Misiri: kourik ŋesi Amuram Aaron ka Musa ka Miriam kinacikec.

⁶⁰ Kouri Aaron Nadab ka Abiku, ka Eleasar ka Itamar.

⁶¹ Kotwaka Nadab ka Abiku, naainakiniata akim naitegelikina kakonyen nuka EJAKAIT.

⁶² Ŋul luaponi kimarai kakesi emwaasi ilukumin akaisaarei ka luuni, ŋolikiliokit ageun kayenika elap ediopet ka luedeparito: naarai mam emarakinitai toma odwe luka Isirael, naarai mam ainakinitai kes airumet kodwe luka Isirael.

⁶³Ŋul kes luemarete Musa ka Eleasar esasedoti; luemarete idwe luka Isirael kapuutona nuka Moab kariri naka Yorodan koYeriko.

⁶⁴ Konye kotoma kaŋul amamei idiotuŋanan kakwi luemarete Musa ka Aaron esasedoti; luemarete idwe luka Isirael kotoma amodiŋ naka Sinai.

⁶⁵ Naarai abu EJAKAIT kolimu nukec ebe, “Abeit etwakikinete toma amodiŋ.” Mam ediotuŋanan kakesi abu kideun, dimarai Kaleb okoku loka Yepune, ka Yosua okoku loka Nun.