Read Ateso Aimario 35 Bible Online

Aimario 35 - Ateso bible

Aimario 35

¹ Kotema EJAKAIT Musa kapuutona nuka Moab kariri naka Yorodan koYeriko atiar,

² “Kicorak idwe luka Isirael koinakis Ilebin ireria luiboiononoto kotoma kairumetekec; iinakinete do Ilebin ironyia luelukunito ireria ŋul.

³Iboienenete kesi koreria; ejaunos ironyiakec kanuka ibarenekec ka iborokec ka itianikec kere.

⁴Ironyia luka ireria luiinakinete yesi Ilebin, enyounete karwatat naka ere kiton kiŋa ikubitin [23] elukumit alukun ere kere.

⁵Itemete kiŋa naka ere ikubitin ilukumin iarei kari nakokide, ikubitin ilukumin iarei kari naka eŋalakimak, ikubitin ilukumin iarei kari nakoto, ka ikubitin da ilukumin iarei kari naka agolitomei, kojai ere kidiŋ, ŋul kes ironyiakec luka ireria.

⁶ Ireria luiinakinete Ilebin koraas ireria ikanykape lukuianara, luiinakinete ekaaran ituŋanan akeriar: iyatakinete ireria akaisaoŋon ka luarei neejaas ŋul.

⁷ Ireria kere luiinakinete Ilebin imwaasi ireria akaisaoŋon ka lukanykauni: iinakinete kes ka ironyiakec.

⁸ Ireria luiinakinete kairumet naka idwe luka Isirael, kaneejaas luipu ilemarete luipu; kaneejaas luikidioko da ilemarete luikidioko: ŋinituŋanan kwape ejaar airumeteke nairumi einakini Ilebin ireriake.”

⁹ Kotema EJAKAIT Musa atiar,

¹⁰ “Kolimok idwe luka Isirael ebe, Kidokata Yorodan adolore akwap naka Kanaan.

¹¹ Iseunete ireriakus lueraunos ireria lukuianara; tetere ekaaran loeari ituŋanan komam epelet ekereari ŋina.

¹² Eraunos ireria luikuianarete yesi kaneejai ekenyaŋaran; tetere mam ekaaran etwani, aitodol naebwoia kakonyen nuka ekodet kanuka atubokinio.

¹³Ireria luiinakinete eraunos kamakus ireria ikanykape lukuianara.

¹⁴ Iinakinete ireria iuni kajuwai naka Yorodan, iinakinete da ireria iuni kakwap naka Kanaan; eraunos ireria lukuianara.

¹⁵ Eraunos ireria ŋul ikanykape luekuianarete idwe luka Isirael, imoit da, ka ikeboiororon kotomakec: tetere ŋinituŋanan yeneari ituŋanan komam epelet ekereari ŋina.

¹⁶ “Konye arai esenit ŋes kibore kayenika asuat, tape do etwani, erai ŋesi ekaaran; abeit eario ekaaran da.

¹⁷Arai da kitiŋ amoru naepedori aiar ituŋanan asenio ŋes, kotwana, erai ŋesi ekaaran: abeit eario ekaaran da.

¹⁸Arai da esenit ŋes kakitoi naepedori aiar ituŋanan kotwana, erai ŋesi ekaaran: abeit eario ekaaran da.

¹⁹Ekenyaŋaran aokot elopet eari ekaaran: nairiamakinotor kaŋes, eari.

²⁰ Arai eremorit ŋes kanuka alait, arai ibirit ŋes, koŋopikinite, tape etwani;

²¹Arai esenit ŋes kakan kanuka asurup, tape etwani; abeit eario ŋol lokeseni ŋes; erai ekaaran: eari ŋes ekenyaŋaran aokot nairiamakinotor kaŋes.

²²“Konye arai eremorit ŋes komamei asurup, arai ibirit ŋes kidiobore komam eŋopikinit.

²³Arai kadiomoru naepedori aiar ituŋanan, komam eanyunit ŋes, kibirio ŋes tape etwani, komam erai lokasurupike, karaida loemootor ŋes aronis:

²⁴ Etubokini ekodet ekasenon ka ekenyaŋaran aokot kwape ejaatar itubesia lu:

²⁵ Eyuuni ekodet ekaaran kakan naka ekenyaŋaran aokot, inyakari da ekodet ŋes oreke loakuiarit loakerearit: iboienenei kenan aitodol naetwania esasedoti lopeti, loinyonyoikinitai akinyet nakalaunan.

²⁶Konye arai kilam ekaaran eikor loka ereke loakuiarit loakerearit;

²⁷ Kosodi ekenyaŋaran aokot adumakin ŋes kiŋa keikor loka ereke loakuiarit, kosodi ekenyaŋaran aokot aiar ekaaran; emamuun ŋes akirot kanuka aokot;

²⁸Naarai tiebusakinit je asalakinit oreke loakuiarit aitodol naetwania esasedoti lopeti; konye akaulo katwanare naka esasedoti lopeti, eboŋori ekaaran akwapuke naka airumeteke.

²⁹ “Eraunos akiro ŋun ekisil loka etube kamakus anatar aturiokus kotoma aiboisiokus kere.

³⁰ Ŋin yeneari ituŋanan eario ikaaran kakirot naka ikajenak: konye mam ituŋanan eario kanuka akirot naka ekajenan ediopet bon.

³¹Sirikijaut egelit kanuka aijar naka ekaaran loebeit atwanare: konye abeit eario.

³² Sirikijaut egelit kanuka ŋol loekerit oreke loekuiarit, aboŋunio aiboie akwap, aitodol naetwania esasedoti.

³³ Kwaŋin do mam imunaunete akwap naiboiononoto: naarai emunaarete aokot akwap: mam akwap epedori alucio kanuka aokot nuebukorio kotoma, dimarai kaokot nuka ŋol kaloabukori kes.

³⁴ Sirikimuna da akwap naiboiononoto, naeboienenei eoŋ kokidiŋ; naarai Eoŋ EJAKAIT eboienenei kokidiŋ kidwe luka Isirael.”