Read Ateso Mika 1 Bible Online

Mika 1 - Ateso bible

Mika 1

¹ Akirot naka EJAKAIT naabu kobu mama ejai Mika Emorasit, naabu ŋesi koany nuka Samaria ka Yerusalem, kapaarasia nuka Yotam, ka Akas, ka Kesekia, ikabakan luka Yuda.

²Kiirasi, yes ituŋa, yes kere; Kiira, ijo akwap, ka luejaas tomake kere; Korau Ejakait EDEKE ekajenan kamakus, EJAKAIT koyekaluke lokalaunan.

³ Naarai, koany, elomuni EJAKAIT kaiboisike, Edokuni, icakacakai aiboisio nuiceleleete nuka akwap.

⁴Ecalaros iroŋan kwapuke, Ecilunos aditon kwape edipor kakim, Kwape akipi nuebukoros aibois naijululuei.

⁵ Ŋun kere kanuka aibucaret naka Yakob, Kanuka aronisio da nuka ekek loka Isirael. Anyoin bo aibucaret naka Yakob? Mere Samaria? Anyoika bo aiboisio nuiceleleete nuka Yuda? Mere Yerusalem?

⁶ Kanuka ŋun ŋes etuluoria eoŋ Samaria bala atukit komanikor, Bala aibois nairaio emusabibu: Abukokini amoruke aditot, Apukori apetetake.

⁷Idecidecio aputosiake kere nuegerer, Icweio iropitoke kere kakim, Etisili eoŋ aputosiake kere nuemaio: Naarai abu kotukok kes keropit loka naadote, Eboŋorete da araut eropit loka naadote.

⁸Kanuka ŋun ŋes adeloria eoŋ ebworor da; Kalosi alaeara kemujalal: Adelori kwape ikuwei, Ebworo da kwape ikuului.

⁹ Naarai mam epedori amusuŋutuke aŋaleun: Naarai adoloki Yuda da; Adol orute loka ikatuŋa, Ŋes Yerusalem.

¹⁰Sirikilimokis koGat, Sirikimonyata cut: Kibelibelokinos kapua KoBet-le-Apura.

¹¹Kitoroto imujalalasi, kirumito ileic, Yes luiboiete koSapir: Mam luiboiete koSaanan elomuna: Aibworo naka Bet-esel kidema yes aibois nabwoet.

¹²Naarai idareunete luiboiete koMarot Ajokis kaiyaloŋoŋ; Naarai adoku aronis naebuni kama ejai EJAKAIT, Kiton orute loka Yerusalem.

¹³Koenikis agali obalasit loetirono, Yes luiboiete koLakis: Kerai ŋesi ageunet naka aronis mama ejai akoku naka Sion; Naarai edumuna aibucareta nuka Isirael kamakon.

¹⁴Kanuka ŋun ŋes iinakinia Moreset-gat ainakineta nuka aitwar; Eraunos itogoi luka Akisib lukaimod Mama ejaas ikabakan luka Isirael.

¹⁵Kainuni jo ŋol lokirumi, Wu jo yeniboie koMaresa; Edoluni aibuses naka Isirael Adulam.

¹⁶ Kobaren itimakon, kopalororor akoukon, Kanuka idwe luka ailelekon: Kitalal apatakon kwape emorukaalet, Naarai ijoreoritai kamakon.