Read Ateso Mika 2 Bible Online

Mika 2 - Ateso bible

Mika 2

¹ Itukwi ŋul luinerunete numam edolito, Luiswamaete aronis kaperitokec! Kiwala akwap, itetemonorete, Naarai ejai toma apedor naka akanikec.

²Iŋobeleete alup, koŋasete; Itogoi da, kodemete; Emwaŋete etuŋanan ka eketogo, Ido etuŋanan ka akeirumet.

³ Ŋes inerar EJAKAIT kwanata atiar: Koany, enerak aronis okek lo, Namam ilemarete komurisiŋakus, Karaida alosit iŋonasi; Naarai na ŋes apak naerono.

⁴Kapaaran kaŋin kiwaragio, Ekuudianete akuudian nakican, Ebe, “Kiŋasi cut; Esiec akorakinet naka ikatuŋa; Kademaa ca! Akoraki lukepali akosilup.”

⁵ Ŋes mam ijaunia kayenecakari auno koroet Katukot naka EJAKAIT.

⁶“Siridwarete,” kwaŋin edwariata. “Mam ibus aidwar nuikote nen; Mam amorosito kidolokinete oni.”

⁷Ijo ekek loka Yakob, Ibus kereka einer ŋun? Eŋoŋar ca ma emoyo loka EJAKAIT? Nu tope kes akeswamisio? Mam akakiro iswamakinete ajokis ŋol loelosi itenara?

⁸Konye idakunos yes asurokin ikatuŋa [1] kwape lukasurup: Idemete asuukai konapen luka ŋul kaluitorete inapakina Kwape ituŋa lumam ekotosi ejie.

⁹Ireŋeanarete aŋor nuka ikatuŋa kotogoikec luisiyalamikinitos; Ilemarete akaibuses ikar kere kodwekec ludidik.

¹⁰ Konyoutu, koloto: Naarai mere ne aiyeŋunetekus: Kanuka amodokok naemudiari, Ido ka amudiario naasogim.

¹¹Arai esabi etuŋanan loelosi kokwam loka aiŋal, Ebe, “Kadwarakini jo nuka ajon ka luitemerete”; Ŋopeŋol eraun ekadwaran loka ituŋa kalu!

¹² Mam aswaki atukonokin lukon kere, ijo Yakob: Mam aswaki atukokin aatoŋot naka Isirael: Ebwaikin nepepe kwape amerekekin nuka Bosura; Kwape esipan loejai kidiŋ oronyikec, Iumaumato noi kanuka aipues naka ituŋa.

¹³Adoka ekabelan kakonyenekec; Atikoros, atuboros adolior orute, Alomut kanen. Atubor ekabakakec kakonyenekec, Eŋareniki EJAKAIT kes.