Read Ateso Mika 4 Bible Online

Mika 4 - Ateso bible

Mika 4

¹ Kosodi konyet kapaarasia nukawasia Ecatunit eroŋat loka etogo loka EJAKAIT Kaidi naka iroŋan, Itopolooro kuju kiukon; Idiaete ituŋa mamakeŋ.

² Elosete atekerin nuipu kobalas ebe, “Kopotu, kadokasi oroŋat loka EJAKAIT. Togo da loka Edeke loka Yakob; Kisisianakini ŋesi oni ikeponesio, Kilosenenei korotinike.” Naarai elomuni ekisil koSion, Akirot da naka EJAKAIT koYerusalem.

³ Etubokini ŋesi atekerin nuipu, Ediekakini atekerin nuegogoŋ nuelwaka; Etataete kesi ikileŋakec aituluor imelekes, Ka akwarasikec da aituluor icilikikin lukidimet: Mam ateker ikiari ekileŋ asurokinia aceteker, Kwabo mam bobo isisiaunete ejie.

⁴ Konye iboiete kesi ŋinituŋanan kwap kemusabibuke, Kwap ketinike da; Mam yenitukuriani kes: Naarai ener aituk naka EJAKAIT loka ajoresio.

⁵ Naarai elosenenete atekerin kere, Ŋinidiopet kokiror loka ekedeke, Konye kilosenenei oni kokiror loka EJAKAIT Ewokodeke Ikar ka ikar.

⁶ Ebala EJAKAIT ebe, Kapaaran kaŋin Enotuni ŋin naicodo, Atukokini ŋin naereŋearitai, Ka ŋin da naabu eoŋ ketican;

⁷ Etarauni ŋin naicodo aatoŋot, Ka ŋin da naereŋearitai ateker naegogoŋ: Irumi EJAKAIT kes komoru Sion Amear kwana, ido aitodol ikar kere.

⁸Ka jo da, wu etogo loeoja loka esipan, Eukot loka akoku naka Sion, Edolokini jo; Eebo, edolokini ayait nakolo, Alakanut naka akoku naka Yerusalem.

⁹Aso do kanukinyo ideloria? Emamei kereka ekabaka kotomakon? Aolio ekapetan akirokon, Tape kikamuni ariebo kwape naka aberu naidouni?

¹⁰Koriebakin, kitaaritoi aidoun, ijo akoku naka Sion, Kwape aberu naidouni: Naarai kwana ilomari kiŋa naka ere, Iboie okitui, idoli da Babulon. Kiyuunio kaŋina, Ŋina ŋes kilakunia EJAKAIT jo Kakan naka lukasurupokon.

¹¹Kwana da etukonokinos atekerin nuipu asurokin jo, Nuebalas ebe, “Komunaun ŋesi, Koanyutu do awokokonye eimielikec koSion.”

¹²Konye mam ejenete kesi aomisio nuka EJAKAIT, Karaida ajenun ainerunike; Naarai atukok kes kwape iisutan kopejal.

¹³ Konyou kicom, ijo akoku naka Sion: Naarai etaraun eoŋ amumwarakon asuat, Ka imagegerakon da aisinit: Inomonomoi atekerin nuipu; Igitari amedakec mama ejai EJAKAIT, Ka iborokec da mama ejai EJAKAIT loka akwap